उद्रेक न्युज वृत्त
प्रा.मुनिश्वर बोरकर/ गडचिरोली :- राज्याचे विरोधी पक्ष नेते विजय वडेट्टिवार यांच्या प्रमुख उपस्थितीत व भरगच्य कांग्रेस कार्यकर्त्यांच्या उपस्थितीत अजयभाऊ कंकडालवार सहीत भाजपाचे व राष्टवादी कांग्रेसच्या अनेक प्रमुख कार्यकत्यांनी आलापल्ली येथील कांग्रेसच्या मेळाव्यात काँग्रेस पक्षात प्रवेश केला असुन अहेरी विधानसभा आता कांग्रेसमय होणार आहे.विरोधी पक्षनेते विजय वडेट्टिवार यांचे आलापल्लीत आगमन होताच आदिवासी नृत्याने व ढोल ताश्याच्या निनादात स्वागत करण्यात आले. व्यासपीठावर विजय वडेट्टिवार,अजय कंकडालवार. कांग्रेसचे जिल्हाध्यक्ष महेंद्र ब्राम्हणवाडे,माजी आमदार डॉ.नामदेव उसेंडी,महाराष्ट्र प्रदेश कांग्रेसचे महासचिव डॉ.नामदेव किरसान,ॲड.कविता मोहरकर,डॉ.नितिन कोडवते,डॉ.चंदा कोडवते,सगुणा तलांडी,माजी जि. प. सदस्य ॲड.राम मेश्राम,रवि शहा,डॉ.निसार हकीम , सोनाली कंकडालवार आदि उपस्थित होते.याप्रसंगी विरोधी पक्ष नेते विजय वडेट्टिवार म्हणाले की,अजय कंकडालवार यांचे कार्य,समाजसेवा,गोरगरीबांच्या मदतीला धावून जाणे कुणीही नाकारू शकत नाही. आज विजय आणि अजय जोडी एकत्र आली आहे. आता अहेरी- सिरोंचा विधानसभा क्षेत्राचा विकास झाल्याशिवाय राहणार नाही.सदर क्षेत्र आता कांग्रेसमय दिसेल यात शंकाच नाही.अजयभाऊ कंकडालवार यांनी कांग्रेस पक्ष प्रवेशा नंतर सत्काराला उत्तर देताना म्हणाले की मी ग्रामपंचायत सदस्य ते जिल्हा परिषद अध्यक्ष पर्यंत मजल मारली तेही काँग्रेसच्या सहकार्याने मी ज्यांना साथ दिली मोठ केलं ते या ना त्या पक्षात जावून गद्दार झालेत.मी गोरगरीबाची सेवा केली पुढेही करीत राहीन व कांग्रेसला बळकटी देईन.प्रसंगी भाजप नेते सुधाकर नाईक,माजी आर एफ ओ मडावी,आविस नेते नंदू नरोटे,बन्नया जगनाम,सुधाकर तिम्मा व राष्टवादी चे कार्यकर्ते सहीत अनेकांनी कांग्रेसचा दुप्पटा बांधला आहे.कार्यक्रमाचे प्रास्ताविक व संचालन प्रज्यला नागुलवार यांनी केले.
