देसाईगंज पोलीस स्टेशन हद्दीतील जप्त केलेला तब्बल १० लाख ९१ हजार ३९० रुपयांचा दारुसाठा नष्ट..

देसाईगंज(गडचिरोली):-देसाईगंज पोलीस स्टेशन हद्दीतील १८५ गुन्ह्यांच्या नोंदीतुन जप्त करण्यात आलेला तब्बल १० लाख ९१ हजार ३९० रुपयांचा दारुसाठा आज,गुरुवार ३ सप्टेंबर रोजी राज्य उत्पादन शुल्क विभागाचे अधिकारी तसेच देसाईगंज पोलिस अधिकाऱ्यांच्या उपस्थितीत नष्ट करण्यात आला.

देसाईगंज पोलीस ठाण्याच्या हद्दीत सन २०२५-२६ या कालावधीत पोलिस प्रशासनाने धाडी टाकून १८५ गुन्ह्याच्या नोंदितुन १० लाख ९१ हजार ३९० रुपयांचा दारुसाठा जप्त केला.यात ९० मिली मापाच्या १२ हजार ५२६ टिल्लु देशी दारु,१८० मिली मापाच्या १३३ नग, ७५० मिलीच्या २ नग,५०० मिलीच्या १७  संत्रा कंपनीच्या ५३३ नग देशी दारु असा एकुण १० लाख ९१ हजार ३९० रुपयांचा हस्तगत केलेला दारुसाठा आज राज्य उत्पादन शुल्क विभागाचे पोलिस निरिक्षक एम.एम.परांडकर,देसाईगंज पोलीस ठाण्याचे सहाय्यक पोलीस निरीक्षक मनिष गोडबोले, पोलीस उपनिरीक्षक दुर्योधन सरपे,मिनाक्षी तोडासे,निलेश कढव,सुनिल मडावी,शैलेश तोरपकवार यांचे उपस्थितित नष्ट करण्यात आला.सदरची कार्यवाही उपविभागिय पोलिस अधिकारी मडामे यांचे आदेशानुसार देसाईगंजचे पोलिस निरिक्षक स्वप्निल इजप्पवार यांचे मार्गदर्शनाखाली करण्यात आली.