आजचे मंत्रीमंडळ निर्णय; बायोगॅस धोरण व जमीन नियमातील बदलासह शिक्षकांसाठी मोठी घोषणा..

मुंबई :-राज्य मंत्री मंडळाच्या वतीने आज,बुधवार २२ एप्रिल रोजी राज्याचे मुख्यमंत्री देवेंद्र फडणवीस यांच्या अध्यक्षतेखाली विविध मंत्र्यांच्या उपस्थितीत मंत्रीमंडळ बैठक पार पडली.बैठकीत चार महत्वाचे धडाकेबाज निर्णय घेण्यात आले असून नगर रचना विकास विभागाच्या वतीने चालू वर्षात महाराष्ट्र बायोगॅस धोरण २०२६ जाहीर करण्यात आले आहे. त्याचबरोबर, साताऱ्यात नवा आयटी पार्क,शिक्षकांसाठी आणि जमिनी संदर्भात मोठे निर्णय घेण्यात आले आहेत.

महाराष्ट्र बायोगॅस धोरण २०२६ जाहीर(नगर  विकास विभाग):-वाढता कचरा आणि ऊर्जेची गरज लक्षात घेता ‘महाराष्ट्र राज्य कॉम्प्रेस्ड बायोगॅस धोरण २०२६’ ला मान्यता देण्यात आली आहे.चालू वर्षासाठी तब्बल कोटींची तरतूद करण्यात आली असून प्रत्येक जिल्ह्यात समन्वय समिती नेमली जाणार आहे.सदरचे प्रकल्प पीपीपी आणि हायब्रीड अन्युईटी तत्त्वावर राबवले जाणार असून,यामुळे हरित गृह वायूंचे उत्सर्जन कमी होण्यास मदत होणार आहे.