सर्व पैसे सिलेंडर खरेदीत खर्च करायचे; तर कमवायचे काय?

नागपूर :-राज्याच्या उपराजधानीत गेल्या काही दिवसांपासून सिलिंडरसोबतच घरगुती गॅस सिलिंडरचा व्यावसायिक प्रचंड तुटवडा निर्माण झाला असून, सर्वसामान्यांचे स्वयंपाकघर अक्षरशः विस्कळीत झाले आहे.एकीकडे गॅस एजन्सीबाहेर ग्राहकांच्या लांबच लांब रांगा लागत आहेत, तर दुसरीकडे जिल्हा प्रशासन सर्व काही ‘सुरळीत’ असल्याचा दावा करत आहे.प्रशासनाच्या या दाव्यामुळे संतप्त झालेल्या गृहिणींनी ‘विश्वास नक्की कोणावर ठेवायचा?’ असा जळजळीत सवाल उपस्थित केला आहे.विशेष म्हणजे,व्यावसायिक वापराचा गॅस सिलेंडर मिळत नसल्यामुळे मार्गावरील फूड विक्रेते संकटात सापडले आहेत.डोसा,नूडल्स,मंच्युरियन, दाबेली,तरी पोहे आदी खाद्य पदार्थांसाठी मोठ्या प्रमाणात गॅसचा वापर करावा लागतो.मात्र,गॅस मिळत नसल्यामुळे संबंधित खाद्यपदार्थ तयार करणेच बंद करावे लागले आहे.ब्लॅकमध्ये व्यावसायिक सिलिंडर तीन हजार रुपयांपर्यंत मिळत आहे.सर्व पैसे सिलिंडर खरेदीत खर्च करायचे तर कमवायचे काय? असा प्रश्न या विक्रेत्यांना पडला आहे.त्यामुळे अनेकांनी आता घरूनच इडली,उपमा तयार करून आणून विकण्यास सुरुवात केली आहे.काहींनी तर ठेल्यांवर भेळ विकण्यास सुरुवात केली आहे.