रेल्वे रुळाजवळ मृतावस्थेत आढळली वाघीण..

नागपूर :-नागपूरच्या जामठा परिसरातील नागपूर-वर्धा रोडवरील रेल्वे रुळाजवळ आज,बुधवार १८ फेब्रुवारी रोजी एक वाघीण मृतावस्थेत आढळून आल्याने परिसरात एकच खळबळ उडाली.सदरची घटना उघडकीस येताच बुटीबोरी वन विभागाची टीम घटनास्थळी दाखल झाली.पाहणी दरम्यान वाघिणीचा मृत्यू हा रस्ता ओलांडत असतांना रेल्वेच्या धडकेत झाला असावा,असा अंदाज वर्तविण्यात येत आहे.मृतावस्थेत आढळून आलेली वाघीण ही दीड वर्षाची असून जामठा परिसरातील पोल क्रमांक ८१९/२२ जवळ,विदर्भक्रिकेट असोसिएशन स्टेडियम(व्हीसीए) आणि ब्रह्मकुमारीज आश्रमाच्या शेजारी रेल्वे रुळावर उघडकीस आली आहे. प्रकरणी वन विभागाच्या वतीने पंचनामा करून पुढील तपास सुरू करण्यात आला आहे.