१५ वर्षीय अल्पवयीन मुलगी गर्भवती; आरोपी प्रियकरास अटक..

नागपूर :-एका २४ वर्षीय तरुणाची ओळख सोशल मीडियाच्या इंस्टाग्रामवर १५ वर्षीय अल्पवयीन मुलीशी झाली.दोघात इंस्टाग्रामवर चॅटिंग सुरू झाली. चॅटिंग नंतर मैत्री झाली आणि प्रेम बहरून आले.यात दोघांमध्ये शरीरसंबंध प्रस्थापित झाले आणि अल्पवयीन मुलगी गर्भवती राहिल्याने प्रकरण पोलिसात पोहोचले.प्रकरणी भिवापूर पोलिसांनी आरोपी तरुणावर गुन्हा दाखल करून वर्धा जिल्ह्यातून अटक केली आहे.अनिकेत डहाके वय २४ वर्षे, रा.आंतरगाव,ता.समुद्रपूर,जि.वर्धा असे अटक करण्यात आलेल्या आरोपीचे नाव असून पीडित मुलगी १५ वर्षाची असून,चंद्रपूर जिल्ह्यातील रहिवासी आहे.वर्षभरापूर्वी तिची अनिकेतसोबत इंस्टाग्रामवर ओळख झाली.चॅटिंगमुळे दोघेही एकमेकांच्या जवळ आले.त्याने तिला विश्वासात घेत भिवापूर शहरात बोलावले आणि शहरातील अर्णव गोल्ड ओयो हॉटेलमध्ये तिच्याशी वारंवार शरीरसंबंध प्रस्थापित केले.काही दिवसांनी तांत्रिक कारणामुळे आईला संशय आला आणि ती गर्भवती असल्याचे तिच्या लक्षात आले. आईने तिला विश्वासात घेत विचारपूस केल्यावर तिने घडलेला प्रकार सांगितला.त्यानंतर,आई व मुलीने तीन दिवसांपूर्वी भिवापूर पोलिस ठाणे गाठून तक्रार नोंदविली.याप्रकरणी भिवापूर पोलिसांनी भारतीय न्यायसंहिता(बीएनएस)कलम ६४(१),६४ (२)(आय), ६४(२) (एम),६५(१),६९ पोक्सो कलम ४ (२),६,१२ अन्वये गुन्हा दाखल करून आरोपीस अटक केली व न्यायालयात हजर केले असता न्यायालयाने त्याला ३ दिवसांची पोलिस कोठडी सुनावली आहे.प्रकरणाचा पुढील तपास भिवापूर पोलिस ठाण्याचे ठाणेदार जयप्रकाश निर्मल यांच्या मार्गदर्शनाखाली सुरू आहे.