वाहनधारकांना वाघाचे दर्शन; नागरिक भयभीत..!

गडचिरोली :-तालुक्याच्या देलोडा-पोर्ला मार्गावरून सायंकाळच्या सुमारास गावाकडे जाणाऱ्या काही वाहनधारकांना वाघाचे दर्शन झाल्याने परिसरातील नागरिक भयभीत झाले आहेत.वाघाने अचानकपणे

रस्ता ओलांडून झुडपाच्या आड आकृती दडवली.यामुळे वाहनधारकांना काहीकाळ धडकी भरली होती.देलोडा-पोर्ला मार्गावरून दिवसभर वाहनांची वर्दळ असते. सायंकाळ होताच या मार्गावरील रहदारी बंद होऊन सर्वत्र सूनसान होत असते.काही निवडक वाहनेच या मार्गाने ये-जा करतात.अश्यातच शनिवारच्या सायंकाळी वाहनधारकांना वाघाचे दर्शन झाल्याने खळबळ उडाली. सद्या स्थितीत वाघ शांत असला तरीही एखादेवेळी अनुचित घटना घडण्याची शक्यता नाकारता येणार नाही; त्यामुळे वन विभागाने वाघाचा तात्काळ बंदोबस्त करावा, अशी मागणी परिसरातील नागरिकांनी केली आहे.