पुन्हा सिद्ध झालं की अधिकारी जितका भ्रष्ट,तितका तो राजकारण्यांचा लाडका.. – तहसीलदारांच्या निलंबनावरून खडेबोल..

उद्रेक न्युज वृत्त :-पुण्यातील जमीन घोटाळा उघडकीस येताच अनेकांच्या उंचावणाऱ्या भुवया खाली गळून पडल्या.त्याचे कारणही तसेच आहे; भ्रष्ट अधिकाऱ्याची साथ असल्यास या दुनियेत कुठलीही गोष्ट अशक्य नाही,हे पुन्हा एकदा नाहीतर अनेकवेळा सिध्द होणारी बाब आहे; असे म्हणत आम आदमी पक्षाचे नेते तथा माहिती अधिकार कार्यकर्ते विजय कुंभार यांनी पुण्याच्या बोपोडी जमीन घोटाळ्याप्रकरणी निलंबित करण्यात आलेले पुणे शहर तहसीलदार सूर्यकांत येवले यांच्या कथित भ्रष्ट कारभारावरून सोशल मीडियावर करून कहाणी उघड करून सरकार व राजकारण्यांना खडेबोल सुनावले आहे.पुण्याच्या बोपोडी येथील सरकारी दूध डेअरीच्या भूखंड घोटाळ्याप्रकरणी पुण्याचे तहसीलदार सूर्यकांत येवले यांच्यावर निलंबनाची कारवाई करण्यात आली आहे.या प्रकरणी त्यांच्यासह इतर सहा जणांवर खडक पोलिस ठाण्यात गुन्हा दाखल करण्यात आला आहे.हे विशेष.या पार्श्वभूमीवर आदमी पक्षाचे नेते तथा माहिती अधिकार कार्यकर्ते विजय कुंभार यांनी त्यांच्या ‘एक्स'(ट्विटर) अकाऊंटवर म्हटले की,पुण्याचे तहसीलदार सूर्यकांत येवलेच्या निमित्ताने पुन्हा सिद्ध झालं की अधिकारी जितका भ्रष्ट,तितका तो राजकारण्यांचा लाडका.अशा माणसाला नागपूरहून पुण्यात कुणी आणि का आणलं? इतके गंभीर आरोप असूनही त्याला कार्यकारी पद का देण्यात आलं? त्याच्यामागे कोणाचं राजकीय छत्र आहे?.

मोबोज हॉटेल जमीन घोटाळा प्रकरणी त्यांच्याविरुद्ध आरोप करण्यात आले,आंदोलने झाली परंतु पुढे काहीच झाले नाही.

येवले “मुंढवा जमीन घोटाळा” प्रकरणात अमेडिया कंपनीला फायदा पोहोचवण्यासाठी प्रचंड सक्रिय होते.