एक-दोन नाही तर तब्बल १५ दुचाकी चोरटा पोलिसांच्या तावडीत..!

गोंदिया :-जिल्ह्याच्या आमगाव तालुक्यातील कवडी येथून एका मोटारसायकल चोरट्याला आमगाव पोलिसांनी अटक करून त्याच्याकडून चोरीच्या एक- दोन नाही तर तब्बल १५ दुचाक्या जप्त केल्या आहेत.प्रकरणी आमगाव तालुक्यातील कवडी गावातील अट्टल चोरटा मिथुन ईश्वरगिरी रिधनार्थी वय २७ वर्षे असे अटकेतील चोरट्याचे नाव आहे.त्यास न्यायालयात हजर केले असता न्यायालयाने त्याला पोलीस कोठडी सुनावली आहे.गेल्या बऱ्याच दिवांपासून आमगाव तालुक्यातील कवडी,वडद, तिगांव,बघेडा व इतर परिसरातील नागरिकांच्या दुचाक्या चोरीला गेल्या होत्या.आमगाव पोलीस ठाण्यात याप्रकरणी अज्ञात चोरट्या विरोधात गुन्हा नोंद करण्यात आला होता.अश्यातच शनिवारी दुचाकी चोरणाऱ्या विरोधात आमगाव पोलिसांना गुप्त माहिती मिळाली. त्यानुसार आमगाव पोलिस ठाण्याचे ठाणेदार तिरुपती राणे यांच्या आदेशाने पोलिस कर्मचारी परिसरात पेट्रोलिंग करीत असतांना गुन्हे प्रकटीकरण पथकाला मिळालेल्या गुप्त माहितीवरून १५ दुचाक्या चोरट्याने चोरी करून ठेवल्याची माहिती मिळाली.या माहितीच्या आधाराने त्यांनी धाड टाकून आरोपीला अटक करून १५ दुचाक्या जप्त केल्या.याप्रकरणी आरोपी विरुद्ध भारतीय न्याय संहितेच्या विविध कलमान्वये गुन्हा करण्यात आला आहे.आरोपी सध्या पोलिस कोठडीत असून त्याच्याकडून आणखी काही गुन्हे उघडकीस येण्याची शक्यता आहे. प्रकरणातील दुसऱ्या आरोपीचा शोध पोलिस घेत आहेत. प्रकरणाचा तपास पीएसआय चव्हाण करीत आहेत.