आता तुम्हीच सांगा..! पायातील ‘चप्पल’ कुठे चोरायचीच हो कां? – ब्रम्हपुरीत चप्पलचोरांचा धुमाकूळ..!

ब्रम्हपुरी(चंद्रपूर):-देशात बेरोजगारीचे प्रमाण वाढलेले आहे,मान्य करू.पण,बेरोजगारी वाढली म्हणून चोरीच्या मार्गाचा अवलंब करणे कितपत योग्य आहे.अश्यातच आपण छोटे-मोठ चोर बघितले असतील,पण दर्शनासाठी जाणाऱ्या भाविकांनी बाजूला काढून ठेवलेल्या पायातील चक्क ‘चप्पल’ चोरीला जात असल्याचा प्रकार नुकताच ब्रम्हपुरी शहराच्या सार्वजनिक गणेशोत्सव मंडळांच्या परिसरात सीसीटीव्ही कॅमेरांच्या माध्यमातून उघडकीस आला आहे.

ब्रम्हपुरी शहरात दरवर्षी प्रमाणे याही वर्षी गणेशोत्सव मोठ्या उत्साहात साजरा करण्यात येत आहे.शहरात राष्ट्रसंत तुकडोजी महाराज पटांगणावर आमदार विजय वडेट्टीवार यांच्या नेतृत्वात ब्रम्हपुरीचा महाराजा गणेश मंडळ,पाण्याच्या टाकीच्या बाजूला स्वर्गीय खानोरकर यांच्या प्रेरणेतील सार्वजनिक गणेश मंडळ व नेवजाबाई हितकारणी या तिन्ही मंडळांनी आकर्षक देखावे तयार केले आहेत.याशिवाय,सायंकाळच्या सुमारास मेला पाहण्यासाठी ग्रामीण भागातील नागरिकांची मोठी गर्दी होत असते.तिन्ही मंडळांचे उपक्रम यंदा चर्चेत आहेत. सायंकाळच्या सुमारास ब्रम्हपुरी तालुक्यासह देसाईगंज व इतर परिसरातील नागरिक आकर्षक देखावे तसेच मेला पाहण्यासाठी ब्रम्हपुरी शहरात मोठ्या प्रमाणावर दाखल होतात व मंडपातील गणेशमूर्तीचे दर्शन घेतात.यावेळी मंडपाच्या बाहेर चप्पल व जूते काढून ठेवावे लागते. अश्यावेळी अज्ञात चप्पलचोर युवक नागरिकांनी चप्पल व जूते काढून ठेवलेल्या जागेवर जाऊन काहीकाळ गप्पा मारून चांगली चप्पल वा जुत्यांचे निरीक्षण करून डल्ला मारण्याचा प्रकार सुरू झाल्याने याचे नवल वाटत आहे. आता तुम्हीच सांगा..! पायातील ‘चप्पल’ कुठे चोरायचीच हो कां? असे असले तरीही चप्पलचोर त्याचे काय करत असावे? सदरचे चप्पलचोर एखाद्या दुकानदाराकडे उच्च प्रतीच्या चप्पल वा जूते विक्री करत असावे,असा अंदाज बांधणे चुकीचे ठरणार नाही.कारण की,चप्पल आणि जुत्यांची चोरी करून दररोज पायात घालून घरी तर ठेवणार नाही.हे विशेष.