ब्रम्हपुरीच्या रामपुरीत वाघाचा हल्ला; जखमीच्या पोटाच्या निघाल्या आतड्या..!

ब्रम्हपुरी(चंद्रपूर):-ब्रम्हपुरी तालुक्याच्या मेंडकीपासून तीन किलोमीटर अंतरावर असलेल्या नवेगाव खुर्द येथील रहिवासी जयपाल लक्ष्मण उईके वय ४६ वर्षे,

 हे नेहमीप्रमाणे काल गुरुवारी दुपारी रामपुरी जंगल परिसरात गायी चारण्यासाठी गेले होते.अश्यातच नियत वनक्षेत्रा लगतच्या रामपुरी जंगल शिवारातील कक्ष क्रमांक-१५४ येथे गायी राखत असतांना घनदाट झुडपात दबा धरून बसलेल्या वाघाने अचानकपणे  हल्ला केला.यात जयपाल गंभीर जखमी होऊन पोटाच्या आतड्या बाहेर निघून झटापटीत पाठीला, हाताला आणि मानेला जबर मार बसला आहे.

या आधी दोन वर्षा पूर्वी त्यांना याच रामपुरी जंगल शिवारात वाघाने हल्ला करून जखमी केले होते. नशीब बलवत्तर म्हणून मागील हल्ल्यातूनही ते बचावले.परत पुन्हा एकदा वाघाने त्यांच्यावर हल्ला केल्याने ते गंभीर जखमी झाले.जखमीला उपचारासाठी ब्रम्हपुरी येथील उपजिल्हा रुग्णालयात दाखल करण्यात आले.तिथे प्राथमिक उपचार केल्यानंतर जखमीला नागपूर येथील शासकीय रुग्णालयात उपचारासाठी दाखल करण्यात आले.