कुरखेडा मुस्लिम समाज बांधव मंडळाच्या वतीने विश्वरत्न डॉ.बाबासाहेब आंबेडकर यांना अभिवादन…

कुरखेडा(गडचिरोली):-राज्यातच नव्हे तर संपूर्ण देशात भारतरत्न डॉ.बाबासाहेब आंबेडकर यांची १३४ वी जयंती आज,सोमवार १४ एप्रिलला मोठ्या उत्साहात साजरी करण्यात येत आहे.अशातच आज

कुरखेडा शहरातील स्थानिक मुस्लिम समाज बांधव मंडळाने एक नवा आदर्श निर्माण करीत शहराच्या डॉ. बाबासाहेब आंबेडकर चौकातील विहारात जाऊन भगवान गौतम बुद्ध व डॉ.बाबासाहेब आंबेडकर यांच्या प्रतिमेसमोर द्विप प्रज्वलन करून माल्यार्पण करीत महामानवास अभिवादन केले.

कुरखेडा शहरात सर्वधर्मीय नागरिक नेहमीच एकमेकांच्या सन-उत्सवात,सुख-दुःखात सहभागी होत असतात.हिच सौहार्दाची भावना वृद्धिंगत करीत शहराची परंपरा कायम राखण्याकरीता मुस्लिम समाज बांधव मंडळाच्या वतीने आज येथील विहाराला भेट देत डॉ.बाबासाहेबांना अभिवादन करण्यात आले.तसेच उपस्थित बौद्ध बांधवांना मुस्लिम समाजाच्या वतीने धार्मिक निळा ध्वज प्रदान करण्यात आला व भारतरत्न डॉ.बाबासाहेब आंबेडकर जयंती दिनाच्या हार्दिक शुभेच्छा देत मिठाईचे वितरण करण्यात आले.याप्रसंगी मुस्लिम समाजाचे अध्यक्ष हाजी मसूद शेख,माजी अध्यक्ष अयुब खान, वलीअहेमद खान,साजीद शेख,आसिफ शेख,रियाज़ शेख,शहेबाज शेख,यूसुफ पठान,सादिक शेख,पत्रकार सिराज पठान,जावेद शेख तसेच मुस्लिम बांधव उपस्थित होते.