रस्ता ओलांडतांना ट्रकची धडक; वृध्द महिला जागीच ठार..

नागपूर :-रस्ता ओलांडत असतांना समोरून येणाऱ्या ट्रकने धडक देताच ७४ वर्षीय वृध्द महिला खाली पडून अंगावरून ट्रक गेल्याने ट्रकखाली चिरडून जागीच मृत्यू झाल्याची घटना आज,सोमवार २० जानेवारी रोजी दुपारच्या सुमारास नागपूर शहरातील वाठोडा दहन घाट चौकात घडली.सुमन गजानन ठाकरे वय ७४ वर्षे,गजानन नगर,वाठोडा लेआऊट नागपूर असे अपघातात मृत पावलेल्या वयस्क महिलेचे नाव आहे.

प्रत्यक्ष दर्शिंच्या मते,वृध्द महिला वाठोडा दहन घाट चौकातून पलीकडचा रस्ता ओलांडत होती.रस्ता ओलांडत असतांना भरधाव वेगाने समोरून येणाऱ्या ट्रकने धडक दिली.धडक बसल्याने खाली कोसळून ट्रक अंगावरून गेला,त्यातच ती गतप्राण झाली. गतप्राण होताच ट्रक चालकाने ट्रक घटनास्थळावरच ठेऊन पोबारा केला.सदरची घटना घडताच नागरिकांचा एकच जमाव झाला.घटनेची माहिती पोलिसांना होताच वाठोडा पोलिसांनी घटनास्थळी धाव घेत मृतदेह शविच्छेदनासाठी रुग्णालयात दाखल केला.त्यानंतर ट्रक ताब्यात घेत पुढील तपास वाठोडा पोलीस प्रशासन करीत आहे.