धक्कादायक..! दहावीत शिक्षण घेणाऱ्या विद्यार्थ्यास प्रेमाच्या जाळ्यात ओढून लैंगिक अत्याचार.. – आरोपी शिक्षिकेस अटक..

पुणे :-अल्पवयीन मुलींवर लैंगिक अत्याचार वा विनयभंगाचे प्रकार होत असतांना आपण नेहमी ऐकलेले आहे.मात्र,याउलट चक्क शिक्षिकेने अल्पवयीन मुलावर लैंगिक अत्याचार केल्याची घटना उघडकीस आली आहे.पुण्यातील खडक पोलिस ठाण्याच्या हद्दीत एका इंग्लिश मीडियम शाळेतील २७ वर्षीय शिक्षिकेने दहावीत शिक्षण घेणाऱ्या विद्यार्थ्यास प्रेमाच्या जाळ्यात ओढून त्याच्यावर लैंगिक अत्याचार केल्याचा धक्कादायक प्रकार उघडकीस आला आहे.

याप्रकरणी पीडित विद्यार्थ्याच्या पालकांनी शिक्षिकेविरोधात पोलिसांत तक्रार दाखल केल्यानंतर आरोपी शिक्षिकेस अटक करण्यात आली आहे. पोलिसांनी दिलेल्या माहितीनुसार,आरोपी महिला इंग्रजी माध्यमाच्या शाळेत शिक्षिका आहे.काही महिन्यांपूर्वी तिने दहावीतील १७ वर्षीय अल्पवयीन विद्यार्थ्याला प्रेमाच्या जाळ्यात ओढले.त्यानंतर तिने विद्यार्थ्यांसोबत शाळेतच लैंगिक संबंध प्रस्थापित केले.मुलाने झालेला प्रकार आपल्या पालकांना सांगितल्यानंतर त्यांनी पोलिसांत तक्रार दिली.त्यानंतर शिक्षिकेस अटक करण्यात आली.