१७ वर्षीय अल्पवयीन मुलीला देहव्यापारात ढकलले; तरुणास अटक..!

नागपूर :-एका १७ वर्षीय अल्पवयीन मुलीला राजस्थान येथून आणून नागपूरच्या गंगा जमुना येथील देहव्यापारात ढकलल्या प्रकरणी २१ वर्षीय तरुणास लकडगंज पोलिसांनी अटक करून पीडित मुलीला महिला सुधारगृहात दाखल केले आहे.शुभम उर्फ पोरीया मनोरिया जंजावत वय २१ वर्षे,रा.शंकरपुरा, डवलाना, जि.बुंदी,राजस्थान असे अटक करण्यात आलेल्या आरोपीचे नाव आहे.

आरोपी शुभमने पीडित अल्पवयीन मुलीला प्रेमाच्या जाळ्यात ओढून लग्न करण्याचे आमिष दाखवले. त्यानुसार दोघेही घरून पळाले.अश्यातच आरोपी शुभम हा मुलीला घेऊन राजस्थानहून नागपूरला आला. नागपुरात आल्यानंतर मुलीला देहव्यापारास भाग पाडू लागला.त्यासाठी त्याने गंगा जमुना वस्तीतील दोन ओळखीच्या महिलांच्या मदत घेतली.मुलीने देहव्यापारास नकार दिला असता त्याने मुलीचा विनयभंग करून देहव्यापारात ढकलले.सद्या स्थितीत उपराजधानीत ‘ऑपरेशन शक्ती’ राबविण्यात येत आहे.ऑपरेशन शक्ती अंतर्गत मानवी तस्करी, हरविलेल्या व्यक्तींचा शोध, तंत्रज्ञानाचा वापर आणि गुन्हेगारांवर चाप बसविणे असून ‘ऑपरेशन शक्ती’ अंतर्गत लकडगंज पोलिसांना एका अल्पवयीन मुलीकडून गंगा जमुना वस्तीत जबरदस्तीने देहव्यवसाय करवून घेण्यात येत असल्याची माहिती मिळाली होती.त्यानुसार पोलिसांनी गंगा जमुना पोलिस चौकीजवळील सुलभ शौचालयाजवळ आरोपी शुभमला ताब्यात घेतले.आरोपीची कसून चौकशी केली असता त्याने गंगा जमुना वस्तीतील दोन ओळखीच्या महिलांच्या मदतीने अल्पवयीन मुलीला देहव्यापारात लावल्याची कबुली दिली.पीडित मुलीच्या तक्रारीवरून लकडगंज पोलिसांनी  आरोपीविरुद्ध गुन्हा दाखल करून त्याची तुरुंगात रवानगी करण्यात आली आहे,तर पीडित मुलीला महिला सुधारगृहात दाखल करण्यात आले आहे.