सुरक्षा दल-नक्षल चकमक; महिला नक्षलीचा मृतदेह ताब्यात..!

उद्रेक न्युज वृत्त :-छत्तीसगडच्या दंतेवाडा-नारायणपूर जिल्ह्याच्या सीमेवरील अबुझमाडच्या थुलथुली भागातील घनदाट जंगल परिसरात सुरक्षा दल आणि नक्षलवाध्यांमध्ये झालेल्या चकमकीत जवळपास ६ नक्षलवाद्यांचा खात्मा करण्यात आल्याचे वृत्त असून परिसरात शोध मोहीम सुरू आहे.सुरक्षा दलाच्या जवानांनी राबविलेल्या शोध मोहिमे दरम्यान घटनास्थळावरून एका महिला नक्षलीचा मृतदेह ताब्यात घेतला आहे.चकमकीत मारल्या गेलेल्या महिला नक्षलवाद्याची अद्याप ओळख पटलेली नसून  कुख्यात नक्षलवादी रामधरची पत्नी बिमला मारली गेल्याचा दावा करण्यात येत आहे.बिमला ही प्लाटून क्रमांक-१० ची सदस्य होती.काल,शुक्रवारी दंतेवाडा आणि नारायणपूरचे जिल्हा राखीव रक्षक(डीआरजी) पथक नक्षलवादी कारवाईसाठी गेले होते.या दरम्यान,पूर्व बस्तर विभागातील अबुझडमाडच्या घनदाट जंगल परिसरात नक्षलवाद्यांनी जवानांवर बेछूटपणे गोळीबार केला. जवानांनी प्रत्युत्तरात गोळीबार केला.यात एका महिला नक्षिलीचा मृतदेह आढळून आला.नक्षली मृतांची संख्या वाढण्याची शक्यता असून सुरक्षा दलांनी पूर्व बस्तर विभागाला वेढा घातला आहे.