सार्वजनिक खेळाच्या मैदानात सोई-सुविधा उपलब्ध करून द्या.. – कुरखेडा शहर विचार मंचाच्या वतीने मुख्याधिकाऱ्यांना निवेदन..

कुरखेडा(गडचिरोली):-शहराच्या उत्तर दिशेला(जूनी पटाची दान)असलेल्या खेळाच्या मैदानावर सोई-सुविधांचा अभाव असल्याने पोलीस भरती व सैन्य भरतीची भरतीपूर्व तयारी करणाऱ्या उमेदवारांना, खेळाडूंना तसेच सकाळ-संध्याकाळच्या सुमारास फेरफटका मारणाऱ्या नागरिकांना कमालीच्या त्रासाला सामोरे जावे लागत आहे.त्यामुळे कुरखेडा नगरपंचायत प्रशासनाने खेळाच्या मैदानावर आवश्यक त्या सोई-सुविधा उपलब्ध करून द्याव्यात,अश्या मागणीचे निवेदन कुरखेडा शहर विचार मंचाच्या पदाधिकाऱ्यांच्या वतीने मुख्याधिकारी यांना देण्यात आले.

शहराचे एकमेव खेळाचे मैदान असलेल्या जुन्या पटाच्या दानिवर एका बाजूला ओपन जीम निर्माण करण्यात आले आहे.मात्र,येथे आवश्यक व्यायाम साहित्याचा तुटवडा आहे.त्यातच बरेचसे साहित्य जुने झाल्याने काही प्रमाणात मोडकळीस आलेले आहेत.त्यामुळे या ठिकाणी अद्ययावत व दर्जेदार पुरेशा प्रमाणात व्यायाम साहित्य उपलब्ध करून द्या,तसेच येथे महिला व पुरुषांकरीता स्वतंत्र शौचालयाचे बांधकाम,बसण्याकरीता पुरेशा प्रमाणात बाके,स्वच्छ पीण्याच्या पाण्याची व्यवस्था, ओपन जीम परीसरात गट्टू लावत जागा समतल करणे आदि सोई-सुविधा उपलब्ध करून देण्याची मागणी शहर विचार मंचाच्या  वतीने निवेदनात करण्यात आली आहे. निवेदन सादर करतेवेळी कुरखेडा शहर विचार मंचाचे अध्यक्ष माधवदास निरंकारी,माजी नगराध्यक्ष रविन्द्र गोटेफोडे, प्रा.डॉ.दशरथ आदे,राम लांजेवार,माजी न.पं.सभापती पूंडलीक देशमुख,नगरसेवक सागर निरंकारी,ॲड.उमेश वालदे,पत्रकार सिराज पठाण, पूष्पराज रहागंडाले,प्रा.कीशोर खोपे,राजेश उईके, प्रा.विनोद नागपूरकर,आसिफ शेख,जावेद शेख यांचेसह शहर विचार मंचाचे बहुसंख्य सदस्य उपस्थित होते.