शिवराजपुर रेणुकाबाई उके विद्यालयाचा विद्यार्थी जिल्हास्तरीय गोळाफेक स्पर्धेत प्रथम.

देसाईगंज(गडचिरोली):-गडचिरोली येथे गुरुवारी जिल्हास्तरीय क्रीडा संमेलन पार पडले असून गोळाफेक स्पर्धेत देसाईगंज तालुक्याच्या शिवराजपुर येथील रेणुकाबाई उके विद्यालयाच्या इयत्ता आठव्या वर्गातील विद्यार्थी रोहित मोहित मेश्राम याने जिल्हास्तरीय मैदानी गोळाफेक स्पर्धेत प्रथम क्रमांक पटकावून शाळेचा तसेच जिल्ह्याचा नाव विभागीय स्तरावर उंचवला आहे.

गोळाफेक स्पर्धा ही साधारण स्पर्धा नसून स्पर्धेकरिता खूप मोठी कसरत आणि मेहनत घ्यावी लागते.रोहितने जिल्हास्तरीय स्पर्धेत जिल्ह्यासह शाळेलाही विभागीय स्तरावर बहुमान मिळविण्यात मोलाची कामगिरी केल्याने रोहितचे मनापासून अभिनंदन आणि पुढील वाटचालीस शुभेच्छा,असे संस्थेचे अध्यक्ष क्षितिज उके यांनी म्हटले आहे.प्रसंगी संस्थेचे सचिव बाळकृष्ण राउत तसेच शाळेच्या मुख्याध्यापीका सुरेखा वासनिक,क्रिडा शिक्षक वाईकर व शाळेतील शिक्षक तथा शिक्षकेत्तर कर्मचारी यांनी सुद्धा रोहितचे अभिनंदन करून पुढील वाटचालीस शुभेच्छा दिल्या.