विद्यार्थ्यावर दारू पिऊन लैंगिक शोषण करणाऱ्या नराधम चौकीदाराला तिहेरी जन्मठेप..

सहावीत शिकणाऱ्या विद्यार्थ्याला भेटण्यासाठी त्याचे वडील हे १९ डिसेंबर २०१६ रोजी शाळेत गेले होते. चौकीदाराने दूरध्वनीवरून सूचना देऊन संबंधित विद्यार्थ्याला बोलावून घेतले.काही वेळानंतर पालकाने विद्यार्थ्याला खाऊ घेऊन देण्यासाठी बाहेर नेले.बाहेर जाताच विद्यार्थी रडू लागला आणि ‘या शाळेत शिकत नाही’ असे म्हटले.त्यामुळे पालकाने कारण विचारताच गेल्या महिनाभरापासून चौकीदार हा दारू पिऊन लैंगिक अत्याचार करत असल्याचे सांगितले.

संबंधित घटना २२ डिसेंबर २०१६ रोजी उघडकीस आली होती.लैंगिक अत्याचाराच्या घटनेनंतर संस्थाचालकाने ही घटना कुणालाही सांगू नका, सांगितल्यास वाईट होईल,अशी धमकी दिली होती. पीडित विद्यार्थ्याच्या पालकाने बुटीबोरी पोलिस ठाण्यात तक्रार नोंदविली.त्याआधारे भादंविच्या कलम ३७७,५०६,३४ सहकलम ३ (१), (१०),३ (२), (५) अनुसूचित जाती जमाती अत्याचार प्रतिबंधक कायदा तसेच सहकलम ६,८ बाललैंगिक अत्याचार कायद्यान्वये गुन्हा दाखल केला होता.या प्रकरणात न्यायालयाने नऊ साक्षीदारांची साक्ष ग्राह्य धरली.या प्रकरणात सरकारच्या वतीने ॲड.रश्मी खापर्डे यांनी कामकाज पाहिले.या निवासी शाळेत पहिली ते दहावीतील विद्यार्थी शिकतात.बहुतांश विद्यार्थी अनुसूचित जमातीतील होते.एखाद्या शिक्षण संस्थेच्या संस्थापकाला अशा प्रकरणामध्ये शिक्षा झाल्याने शैक्षणिक वर्तुळात खळबळ उडाली आहे.