विद्यार्थ्यांना शिकविताना हृदयविकाराचा धक्का; मुख्याध्यापकाचा मृत्यू…

विजय हे शुक्रवारी दुपारी नेहमीप्रमाणे वर्गात विद्यार्थ्यांना शिकवित होते.मध्येच त्यांना अस्वस्थ वाटायला लागले आणि ते क्षणात खाली कोसळले. त्यामुळे शिक्षक विजय तभाने यांनी त्यांना स्थानिक नागरिकांच्या मदतीने कचारीसावंगा (ता.काटोल) येथील प्राथमिक आरोग्य केंद्रात नेले.तिथे डॉक्टरांनी तपासणीअंती त्यांना मृत घोषित केले.त्यांचा मृत्यू हृदयविकाराच्या धक्क्याने झाल्याचे डॉक्टरांनी स्पष्ट केले.त्यांचे बंधू संजय शंकरराव धवड यांनी या घटनेची माहिती पोलिसांना दिली. पोलिसांनी प्राथमिक आरोग्य केंद्र गाठून पंचनामा केला व मृतदेह उत्तरीय तपासणीसाठी काटोल शहरातील ग्रामीण रुग्णालयात पाठविला.याप्रकरणी कोंढाळी पोलिसांनी अकस्मात मृत्यूची नोंद करून तपास सुरू केला आहे.