आम आदमी पक्षाच्या नेत्या आतिशी मार्लेना यांनी मुख्यमंत्रिपदाची घेतली शपथ…

उद्रेक न्युज वृत्त :-आम आदमी पक्षाच्या नेत्या आतिशी मार्लेना यांनी आज,शनिवारी दिल्लीच्या मुख्यमंत्रिपदाची शपथ घेतली.आतिशी या दिल्लीच्या तिसऱ्या महिला मुख्यमंत्री असून सर्वात तरुण मुख्यमंत्री ठरल्या आहेत.अरविदं केजरीवाल यांनी राजीनामा दिल्यानंतर आतिशी यांनी आज मुख्यमंत्रिपदाची शपथ घेतली.२०२० मध्ये आतिशी पहिल्यांदाच कालकाजी विधानसभा मतदारसंघातून आमदार झाल्या.त्यांनी भाजपचे उमेदवार धरमवीर सिंह यांचा ११ हजार ३९३ मतांनी पराभव केला होता.२०२३ मध्ये पहिल्यांदा त्यांना केजरीवाल सरकारमध्ये मंत्री पदाची संधी मिळाली. अवघ्या एका वर्षानंतर म्हणजेच २०२४ मध्ये त्या मुख्यमंत्री झाल्या आहेत.

आतिशी यांच्यासोबत पाच आमदारांनी मंत्रिपदाची शपथ घेतली.सुल्तानपूरहून पहिल्यांदाच आमदार झालेले मुकेश अहलावत यांनी मंत्रिपदाची शपथ घेतली.तसेच गोपाल राय,इम्रान हुसेन,कैलाश गहलोत आणि सौरभ भारद्वाज यांनीही मंत्रिपदाची शपथ घेतली.