लाडक्या बहिणींच्या नावावर लाभ घेणाऱ्यांकडून ११ महिन्यांची रक्कम होणार वसूल..!

उद्रेक न्युज वृत्त :-मुख्यमंत्री लाडकी बहीण योजनेंतर्गत दर महिन्यास दीड हजार रुपये मिळणार असल्याची घोषणा होताच राज्यातील महिलांनी धावत -पळत सुटून योजनेचे अर्ज भरले.अश्यातच काही महिलांकडे बँकेचे खाते नसल्याने अश्यांनी कुटुंबातील पुरुष सदस्यांच्या खात्यांची माहिती भरली होती. त्यामुळे बऱ्याच पुरुषांच्या खात्यावर लाडकी बहीण योजनेची रक्कम झाली.त्यातच राज्यातील एकूण १४ हजार २९८ पुरुषांनी महिलांच्या नावावरून लाभ घेतल्याचे उघड झाले आहे.त्यामुळे आता सरकार ॲक्शन मोडवर आले असून येत्या १५ दिवसांत संबंधितांकडून तब्बल ११ महिन्यांचे १६ हजार ५०० रुपये वसूल करणार असून आवश्यकतेनुसार फौजदारी गुन्हेही दाखल करण्यात येणार असल्याची माहिती आहे.राज्यातील अनेक महिलांना मुख्यमंत्री लाडकी बहीण योजनेच्या माध्यमातून आर्थिक लाभ मिळाला.मात्र,सरकारने केलेल्या पडताळणी अंती तब्बल २६ लाख ३४ हजार महिलांना अपात्र ठरवण्यात आले. याचीही प्रक्रिया लवकरच पूर्ण होणार असून पात्र व अपात्र याचा निर्णय घेतला जाणार आहे.