लाडकी बहिण योजनेबाबत मुख्यमंत्र्यांचा मोठा खुलासा.. – डिसेंबरचे पैसे लवकरच मिळणार…

नागपूर :-मुख्यमंत्री लाडकी बहिण योजनेचे जुलै महिन्यापासून ते नोव्हेंबर महिन्यापर्यंत प्रत्येकी दीड हजार रुपये पात्र महीलांच्या खात्यात जमा झाले आहेत.आता सरकारच्या नव्या कार्यकाळात पुढील हफ्ता कधी जमा होणार? याबद्दल बहि‍णींना उत्सुकता लागली आहे.हिवाळी अधिवेशनादरम्यान सरकार काय घोषणा करणार याकडे सर्वांचे लक्ष लागले आहे.अशातच आज,गुरुवारी १९ डिसेंबरला विधानसभेच्या सत्रात बोलतांना मुख्यमंत्री देवेंद्र फडणीस यांनी लाडकी बहीण योजनेबाबत महत्त्वाची माहिती दिली आहे.फडणवीस म्हणाले की,आमची एकही योजना बंद होणार नाही.लाडकी बहीण योजना सुरूच राहणार आहे.अधिवेशन संपताच सर्व लाडक्या बहिणींना डिसेंबरचे पैसे मिळणार आहेत.तर पुढे फडणवीसांनी अर्जदारांनाही आश्वासित केले आहे. ‘आम्ही जी आश्वासने दिली,ती आम्ही पूर्ण करणार आहोत.याबद्दल कुणीही शंका ठेऊ नये.योजनेच्या कोणत्याही निकषात बदल करण्यात आलेले नाहीत.ज्यांनी अर्ज केला त्या सर्वांना पैसे देणार आहोत.’ असेही फडणवीसांनी नमूद केले.