लाडकी बहिण योजना गरिबांसाठी आहे; श्रीमंतासाठी नाही.. – गाडी बंगले असणाऱ्यांनी योजनेतून आत्ताच माघार घ्यावी- मंत्री भुजबळ

उद्रेक न्युज वृत्त :-राज्यातील लाडकी बहीण योजना ही श्रीमंतांसाठी नसून ती गोर गरीबांसाठी आहे.गाडी बंगले असणाऱ्यांनी या योजनेतून आत्ताच माघार घ्यावी; नियमांमध्ये न बसणारेही लाभ घेत असतील ते अडचणीचे होऊ शकते,असे राज्याचे अन्न व नागरी पुरवठा मंत्री छगन भुजबळ यांनी नाशिक जिल्ह्याच्या लासलगावमध्ये प्रसारमाध्यमांशी बोलतांना वक्तव्य केले.मी मागेच सांगितले होते की स्वतःहून त्यांनी सांगावे की मी या नियमांमध्ये बसत नाही.एवढे करुनही ती मंडळी यामध्ये बसत असतील तर ते अडचणीचे होईल.अजूनही गाडी बंगले असतील त्यांनी या लाडकी बहिण योजनेतून माघार घ्यावी,

आतापर्यंत दिले असेल त्यांच्यावर अजून काही कारवाई होऊ नये यासाठी मी प्रयत्न करेल असेही भुजबळ म्हणाले.पोर्टल बंद नाही,मी डिटेल माहिती घेऊन सांगतो असेही ते म्हणाले.जे या नियमांमध्ये बसत नाहीत त्यांनी कृपा करून थांबावे.खरोखरच ज्यांना आवश्यकता आहे त्यांना न्याय मिळेल. पोर्टलबाबत मी मंत्र्यांसोबत बोलून घेईल असेही छगन भुजबळ म्हणाले.निकषात न बसणारे लाभार्थी

ज्या कुटुंबाचे एकत्रित वार्षिक उत्पन्न अडीच लाख रुपयापेक्षा अधिक आहे,कुटुंबातील सदस्य आयकरदाता आहे,कुटुंबातील सदस्य नियमित,कायम कर्मचारी म्हणून सरकारी विभाग,उपक्रम,मंडळ,भारत सरकार किंवा राज्य सरकारच्या स्थानिक संस्थेमध्ये कार्यरत आहेत किंवा सेवानिवृत्तीनंतर निवृत्तीवेतन घेत आहेत.तथापि,अडीच लाखापर्यंत उत्पन्न असलेले बाह्य यंत्रणाद्वारे कार्यरत असलेले कर्मचारी,स्वयंसेवी कामगार आणि कंत्राटी कर्मचारी पात्र ठरतील. लाभार्थी महिला शासनाच्या इतर विभागा मार्फत राबविण्यात येणाऱ्या आर्थिक योजनेद्वारे दरमहा दीड हजार रुपये किंवा त्यापेक्षा जास्त रकमेचा लाभ घेत असेल.ज्यांच्या कुटुंबातील सदस्य विद्यमान किंवा माजी खासदार आमदार आहे,ज्यांच्या कुटुंबातील सदस्य भारत सरकार किंवा राज्य सरकारच्या बोर्ड,कॉर्पोरेशन,उपक्रमाचे अध्यक्ष,उपाध्यक्ष, संचालक,सदस्य आहेत.ज्यांच्याकडे चारचाकी वाहन (ट्रॅक्टर वगळून)त्यांच्या कुटुंबातील सदस्यांच्या नावावर नोंदणीकृत आहे,असे लाभार्थी शासनाच्या वतीने अपात्र ठरविण्यात आले आहे.तरीही एखादी महिला जसे की,पतीकडे चारचाकी वाहन असतांनाही पतीच्या नावाने फॉर्म न भरता वडिलांच्या नावाने फॉर्म भरून लाभ उचलत असल्याची बाब शासनाच्या निदर्शनास आली असून अश्यांवर कारवाई होणार आहे.