माहिती अधिकार,पत्रकार संरक्षण व पोलीस मित्र समितीच्या कुरखेडा तालुका सचिवपदी पुंडलिक दादगाये यांची नियुक्ती..

कुरखेडा (गडचिरोली):-माहिती अधिकार,पत्रकार संरक्षण व पोलीस मित्र समितीच्या कुरखेडा तालुका सचिवपदी पुंडलिक दादगाये यांची काल रविवारी गडचिरोलीत पार पडलेल्या आढावा बैठकीत पदाधिकाऱ्यांच्या उपस्थितीत सर्वानुमते निवड करून

नियुक्ती करण्यात आली आहे.दादगाये हे सामाजिक भान जपणारे,प्रामाणिक व कार्यतत्पर व्यक्तिमत्व आहे.त्यांनी यापूर्वीही सामाजिक बांधिलकी जपत विविध उपक्रमांतून सक्रिय सहभाग घेतला आहे.त्यांच्या नियुक्तीमुळे तालुक्यात माहिती अधिकार चळवळ,पत्रकार संरक्षण उपक्रम तसेच पोलीस मित्र अभियान अधिक प्रभावीपणे राबविण्यात मदत होणार असल्याचे समितीच्या पदाधिकाऱ्यांनी स्पष्ट केले.

यावेळी बोलतांना पुंडलिक दादगाये यांनी म्हटले की, “माझ्यावर टाकलेला विश्वास सार्थ ठरविण्यासाठी मी नेहमीच कटिबद्ध राहीन.पत्रकारांचे हक्क संरक्षण, समाजातील दुर्बल घटकांना माहिती अधिकाराच्या माध्यमातून न्याय मिळवून देणे तसेच पोलीस व नागरिक यांच्यात सुसंवाद निर्माण करणे हे माझे प्राधान्य असेल.” पुंडलिक दादगाये यांच्या नियुक्तीबद्दल विविध सामाजिक कार्यकर्ते,पत्रकार बांधव तसेच नागरिकांनी त्यांचे अभिनंदन करून पुढील कार्यासाठी शुभेच्छा दिल्यात.