बालसुधारगृहातून पळालेला बालक आढळला छत्तीसगडमध्ये..

नागपूर :-तब्बल दीड वर्षापूर्वी बालसुधारगृहातून पळालेल्या दोन अल्पवयीन मुलांपैकी एका मुलाचा शोध घेण्यात नागपूर गुन्हे शाखेच्या अनैतिक वाहतूक प्रतिबंध पथकास यश आले आहे.बालसुधारगृहातून पळालेला एक बालक छत्तीसगडमध्ये सापडला असून त्याचे समुपदेशन करून त्याला कपिलनगर पोलिस ठाण्याच्या हवाली करण्यात आले आहे.नागपूरच्या पाटणकर चौक,कपिलनगर येथील बालसुधारगृहातून दीड वर्षापूर्वी दोन अल्पवयीन मुले पळाली होती.त्यानुसार,कपिलनगर पोलिस ठाण्यात अज्ञात व्यक्तींविरोधात पळवून नेल्याचा गुन्हा दाखल करण्यात आला होता.बऱ्याच कालावधीपासून दोन्ही अल्पवयीन मुलांचे शोध घेणे सुरू होते.अश्यातच तांत्रिक तपासादरम्यान गुन्हे शाखेच्या अनैतिक वाहतूक प्रतिबंध पथकास एक मुलगा छत्तीसगडच्या खैरागड येथे असल्याची माहिती मिळाली. लागलीच पथकाने खैरागड येथे पोहचून त्याचा शोध घेतला असता तो सापडला.नंतर त्याला नागपुरात आणून त्याचे समुपदेशन करण्यात आले.