पोलीस-नक्षल चकमक; १५ नक्षलवादी ठार.. – आज सकाळपासून चकमक सुरूच..

छत्तीसगडच्या सुकमा जिल्ह्यात ९ तर दंतेवाडात ६ नक्षलींनी सुरक्षा दलांपुढे आत्मसमर्पण केले तर एक  दिवसापूर्वी २५ मार्चला दंतेवाडा जिल्ह्यात सुरक्षा दलांनी ३ नक्षलींचा खात्मा केला होता.त्यात २५ लाखांचे बक्षीस असलेल्या सुधीर उर्फ सुधाकर उर्फ मुरली याचाही समावेश होता.अशातच आता आज,शनिवार २९ मार्च रोजी छत्तीसगडच्या सुकमा आणि दंतेवाडा जिल्ह्याच्या सीमावर्ती भागात आज सकाळपासूनच पोलीस-नक्षल चकमक सुरू असून चकमकीत १२ ते १५ नक्षलवाद्यांचा खात्मा करण्यात आल्याचे वृत्त आहे.डीआरजी आणि सीआरपीएफ जवानांनी नक्षलवाद्यांना घेरले असून केरळपाल पोलिस स्टेशन परिसरात मोठ्या प्रमाणावर गोळीबार सुरू आहे.चकमकीत ठार झालेल्या नक्षलवाद्यांची संख्या वाढण्याची शक्यता वर्तविण्यात येत आहे