पोलीस चौकशीत धक्कादायक माहिती पुढे.. १६ वर्षीय अल्पवयीन प्रियकराने १५ वर्षीय प्रेयसीला ठार करण्यासाठी चाकू बोलावला ऑनलाईन..

नागपूर :-नागपूरच्या रामबाग परिसरात वास्तव्यास असणारा १६ वर्षीय अल्पवयीन प्रियकर व इयत्ता दहाव्या वर्गात शिक्षण घेणारी कौशल्यायन नगरातील एंजेल जॉन यांचे दोघांचेही एकमेकांवर जीवापाड प्रेम होते.बऱ्याच कालावधीपासून सुरू असलेल्या प्रेमप्रकरणात मागील तीन महिन्यांपासून दुरावा निर्माण झाला.त्यामुळे एंजेलने त्याला भेटण्यास तसेच प्रेमसंबंध तोडण्याचा प्रयत्न केल्याने प्रियकराने खून केला.सदरची घटना ही अजनी पोलिस ठाण्याच्या हद्दीतील बदामी कॉलनी परिसरात असलेल्या सेंट अँथोनी शाळेसमोर दोन दिवसांपूर्वी म्हणजेच शुक्रवार, २९ ऑगस्ट रोजी भर दुपारी घडली होती.एंजेल जॉन वय १५ वर्षे, रा.कौशल्यायन नगर,नागपूर असे मृत विद्यार्थिनीचे नाव असून ती सेंट अँथोनी शाळेमध्ये इयत्ता दहाव्या वर्गात शिकत होती.तर अल्पवयीन आरोपी हा रामबाग परिसरात आई,भाऊ आणि बहिणीसह राहतो.आरोपी केअरटेकर म्हणून काम करतो.त्याचे वडीलही कुख्यात गुन्हेगार असून त्याच्या वडिलांवर चेन स्नॅचिंग,खून आणि हत्येचा प्रयत्न असे अनेक गुन्हे दाखल आहेत.शुक्रवारी दुपारी दोन वाजताच्या सुमारास शाळा सुटली.त्यानंतर एंजेल तिच्या मैत्रिणींसोबत घरी जाण्यासाठी निघाली. शाळेतून बाहेर निघाल्यावर काही मीटर अंतरावरच दुचाकी घेऊन आलेला अल्पवयीन आरोपी तिची प्रतीक्षा करत होता.त्याने तिच्याशी बोलण्याचा प्रयत्न केला. मात्र,त्याला टाळून ती पुढे जाऊ लागली.आरोपीने तिला पकडले व खिशातून चाकू काढून तिच्या छातीवर वार केले.त्याने खोलवर घाव केल्याने मुलगी जोरजोराने ओरडत खाली पडली आणि क्षणात तिचा मृत्यू झाला. अल्पवयीन विद्यार्थिनीचा खून झाल्यामुळे शहरात एकच खळबळ उडाली होती.खुनानंतर आरोपीने दुचाकी घटनास्थळावरच ठवेली व रक्ताने माखलेले कपडे आणि मोबाईल लपवून फरार झाला होता.पोलिस त्याचा कसून शोध घेत होते.दरम्यान,पोलिसांनी आरोपीच्या साथीदाराला ताब्यात घेऊन चौकशी केली असता त्याने आरोपीला नागपूरच्या गंगाबाई घाट परिसरात सोडल्याची माहिती दिली होती.परंतु,पोलिसी खाक्या दाखविताच आरोपीच्या साथीदाराने त्याला कपिलनगरातील त्याच्या नातेवाइकाकडे सोडल्याची माहिती दिली.या माहितीवरून गुन्हे शाखा युनिट चारच्या पथकाने कपिलनगर परिसरात शोधमोहीम राबवून आरोपीला त्याच दिवशीच्या मध्यरात्री ताब्यात घेतले व त्याची कसून चौकशी केली.चौकशीत आरोपीने खुनात वापरलेला चाकू ऑनलाईन मागविल्याची कबुली दिली.विशेष म्हणजे,आरोपीने खुनाचा कट आठ दिवसांपूर्वीच रचला होता.पोलिसांनी अल्पवयीन आरोपीला बाल न्यायालयात हजर केले असता न्यायालयाने त्याची एक दिवसाची चौकशी करण्याची परवानगी दिली आहे.