देसाईगंज येथे नेत्ररोग तपासणी व मोतीबिंदू शस्त्रक्रिया शिबिर संपन्न… – शिबिरात २४० रुग्णांची तपासणी तर ७० रुग्णांची शस्त्रक्रियेसाठी निवड..

देसाईगंज(गडचिरोली):-शहराच्या कमलानगर मदिना मस्जिद समोरील चौक या ठिकाणी काल बुधवार ११ डिसेंबरला महात्मे नेत्रपेढी नेत्र रुग्णालय नागपूर,हेल्पेज इंडियाच्या सौजन्याने नागरिक आरोग्य रक्षक संस्था,लोक कल्याण ग्राहक संरक्षण संस्था तथा केयर क्लिनिक देसाईगंजच्या वतीने नेत्ररोग तपासणी व मोतीबिंदू शस्त्रक्रिया शिबिर संपन्न झाले असून सदर शिबिरात २४० रुग्णांची तपासणी करण्यात आली तर यातील ७० रुग्णांची पुढील उचारा करिता शस्त्रक्रियेसाठी निवड करण्यात आली आहे.

सदर शिबिराचे उदघाटन आरमोरी विधानसभा क्षेत्राचे नवनियुक्त आमदार रामदास मसराम यांच्या हस्ते करण्यात आले.तर प्रमुख अतिथी म्हणून नाना नाकाडे माजी कृषी सभापती जिल्हा परिषद गडचिरोली, माजी नगराध्यक्ष जेसा मोटवानी,डॉ.इकबाल बेग,डॉ. सुमय्या पटेल,माजी नगरसेवक कुडडूस पटेल,माजी नगर सेवक भीमराव नगराळे,लोक कल्याण ग्राहक संरक्षण संस्थेचे जिल्हा प्रमुख अमिताताई मडावी,हेल्पेज इंडियाचे राशेदा शेख,राष्ट्रवादीचे प्रदेश सरचिटणीस श्याम धाईत उपस्थित होते.शिबिरात महात्मे रुग्णालयचे डॉक्टर तथा आरोग्य कर्मचारी यांनी सेवा दिली.शिबिराचे लाभ देसाईगंज शहरासह परिसरातील रुग्णांनी घेतला.शिबिर कार्यक्रमाचे

प्रास्ताविक रासेदा शेख यांनी केले तर संचालन लतीफ शेख व आभार प्रदर्शन नावेद पटेल यांनी केले

कार्यक्रमाच्या यशस्वीतेसाठी लतीफ शेख,नावेद पटेल, योगेश नेवारे,मच्छिन्द्र मुळे,जावेद शेख,अजमत खान, मोनाली दुगा,नेहा लांजेवार सह काजल मेश्राम यांनी अथक परिश्रम घेतले.