सुरक्षा दलाच्या जवानांवर नक्षलवाद्यांचा अंदाधुंद गोळीबार; प्रत्युत्तरात एक नक्षली ठार..

उद्रेक न्युज वृत्त :-शोधमोहीम राबवित असतांना सुरक्षा दलाच्या जवानांवर नक्षलवाद्यांनी अंदाधुंद गोळीबार सुरू केला.त्यामुळे जवानांनी दिलेल्या प्रत्युत्तर एक नक्षली ठार झाला असल्याची घटना आज बुधवार ११ डिसेंबरला सकाळच्या सुमारास घडली.तर नक्षलवाद्यांनी पेरलेल्या आयईडी स्फोटकाचा स्फोट होऊन दोन जवान जखमी झाले. घटनास्थळावरून पोलिसांनी बंदुके,जिवंत आयईडी आणि नक्षली साहित्य जप्त केले आहे.

छत्तीसगढच्या बिजापूर जिल्ह्यातील गांगलूर पोलीस ठाण्याच्या हद्दीतील मुंगा जंगलात ४० नक्षलवादी लपले असल्याची माहिती सुरक्षा दलांना मिळाली. आज बुधवारी सकाळी या परिसरात शोध मोहिम राबविण्यात आली.मुंग्याच्या जंगलात नक्षलवाद्यांनी जवानांवर अंदाधुंद गोळीबार सुरू केला.जवानांनी दिलेल्या प्रत्युत्तर एक नक्षली ठार झाला.घटनास्थळावरून बंदुके,जिवंत आयईडी आणि नक्षली साहित्य जप्त करण्यात आले आहे.मुंगा गावाजवळ नक्षलवाद्यांनी जवानांवर आयईडीचा स्फोट केला. त्यामुळे दोन डीआरजी जवान योगेश्वर शोरी आणि मंगलू कुडियम हे जखमी झाले आहेत.त्यांच्यावर जिल्हा रुग्णालयात उपचार सुरू आहेत.