ब्रम्हपुरीच्या नान्होरी ग्रामपंचायतीतर्फे अवैध व्यवसायांवर आळा; अन्यथा कारवाई.. – गावकऱ्यांनी अवैध धंदे करणाऱ्यांना दिली तंबी..

ब्रम्हपुरी(चंद्रपूर):-ब्रम्हपुरी तालुक्याच्या नान्होरी ग्रामपंचायतीतर्फे गावकऱ्यांच्या पुढाकाराने सर्वानुमते निर्णय घेत गावातील दारू तसेच इतर अवैध धंद्यांवर

आळा घालण्याकरिता पुरुषांसह महिलांची एक स्वतंत्र समिती गठीत करून तालुक्यात एक नवा आदर्श निर्माण केला आहे.

गावामध्ये बऱ्याच कालावधीपासून मोठ्या प्रमाणावर अवैध धंदे उदयास आली आहेत.मुख्यत्वे अवैध दारू विक्रीने जोर धरून अनेकजण दारूच्या आहारी जाऊन अनेकांची संसारे उघड्यावर पडली आहेत. अनेकदा संबंधित विभागांकडे गाऱ्हाणी मांडूनही त्याकडे अक्षम्य दुर्लक्ष केले जात असल्याने गावकऱ्यांनी पुढाकार घेऊन दारूबंदी समिती नुकतीच गठीत करून ब्रम्हपुरी पोलीस प्रशासनास सहकार्य करण्याची मागणी केली आहे.समिती गठीत होताच ग्रामपंचायत कार्यालयाच्या वतीने अवैध धंदे करणाऱ्यांना पाच दिवसांचा अवधी देण्यात आला आहे.त्यामुळे अवैध धंदे करणाऱ्यांचे धाबे दणाणले आहेत.सदर गठीत करण्यात आलेल्या समितीमध्ये,

समितीचा उद्देश गावात सुरू असलेले अवैध धंद्यांवर आळा घालून गावाला अवैध व्यवसायापासून मुक्त करणे असा आहे.प्रत्येक ग्रामपंचायतीत असे निर्णय घेतले गेले तर अवैध व्यवसाय मुक्त गावांची संकल्पना प्रत्यक्षात उतरवता येईल.त्यासाठी धाडस,प्रामाणिक वृत्ती आणि सकारात्मक दृष्टिकोन आवश्यक आहे.अशा प्रकारच्या निर्णयांची अंमलबजावणी साधण्यासाठी त्या गावातील लोकांनी एकसारखा प्रयत्न केला पाहिजे.