‘त्या’ अपघातातील गंभीर जखमी मीनाबाईचा सामान्य रुग्णालय गडचिरोली येथे मृत्यू..

उद्रेक न्युज वृत्त 

कोरची(गडचिरोली) :- कोरची येथील नवरगाव फाट्यावर १ जून रोजी भरधाव ट्रकने मोटारसायकलस्वाराला धडक दिली होती.या धडकेत मोटार सायकल चालक रुपेश गांगसाय नैताम रा. चांदागोटा हा जागीच ठार झाला होता.त्याच्या मोटार सायकल वर बसलेल्या मीनाबाई व महेश या दोघा मायलेकांना जबर मार लागल्यामुळे त्यांना तात्काळ सामान्य रुग्णालय गडचिरोली येथे रेफर करण्यात आले होते.यापैकी मीनाबाई निलाराम कल्लो रा. नवरगाव यांचा सामान्य रुग्णालयात मृत्यू झाला.

कुरखेडा व्हाया कोरची मार्गे अवजड वाहने बेभानपणे जात असतात.अशातच अपघात होण्याचे प्रमाण वाढत आहे.यापूर्वी सुध्दा या मार्गावर बरेच अपघात झाले आहेत.कोरची येथील हिट ॲन्ड रन प्रकरणातील ट्रकचालकास तातडीने अटक करण्याची मागणी होत आहे.