उद्रेक न्युज वृत्त
गडचिरोली :- जिल्ह्यात ग्रामीण रोजगार हमी योजनेतंर्गत अनेक कामे सुरू आहेत.कामावर मोठ्या प्रमाणात मजूर असून दररोज ग्रामरोजगार सेवकांना जिओ टॅग केलेल्या ठिकाणी मजुरांना बोलावून ऑनलाईन हजेरी घ्यावी लागते.हजेरी घेतल्यानंतर अपलोड करून सेव्ह करून पुन्हा दुपारच्या सत्रात ऑनलाईन हजेरी घेऊन ती सेव्ह करावी लागत असते. ही सर्व प्रक्रिया करताना ग्राम रोजगार सेवकांना चांगलाच मनस्ताप सहन करावा लागत आहे.तीव्र उन्हामुळे हजेरी घेण्यात येत असल्याने मजुर व रोजगार सेवक संताप व्यक्त करीत आहेत.
गडचिरोली जिल्ह्यातील अनेक गावात रोहयोतंर्गत विविध कामे सुरू आहेत.या कामाच्या माध्यमातून नागरिकांना रोजगार उपलब्ध झाला आहे.परंतु, कामावर ऑनलाईन हजेरीची अट आता डोकेदुखीची ठरू लागली आहे.ग्रामरोजगार सेवकांना जिओ टॅग केलेल्या ठिकाणी मजुरांना बोलावून ऑनलाईन हजेरी घ्यावी लागते.हजेरी घेतल्यानंतर अपलोड करून सेव्ह करून पुन्हा दुपारच्या सत्रात ऑनलाईन हजेरी घेऊन ती सेव्ह करावी लागत असते.यामुळे भर उन्हात मजुरांची हजेरी घेणे भाग पडत आहे.काही वेळा अनेक ठिकाणी नेटवर्क मिळत नसल्याने हजेरी घेणे, अपलोड करणे याकरिता रखरखत्या उन्हात रोजगार सेवकांना व मजुरांना फोटो काढण्याकरिता उभे ठेवावे लागत आहे.त्यामुळे शासनाने या जाचक अटी बंद करून पूर्वीप्रमाणे ऑफलाईन हजेरीचा सुद्धा पर्याय ठेवण्यात यावा; अशी एकमुखी मागणी मजूर व ग्राम रोजगार सेवकांनी केली आहे.
