ट्रक आणि बोलेरो कारची समोरासमोर जोरदार धडक; कार पलटी.. – ब्रम्हपुरी तहसीलचे दोन नायब तहसीलदारांसह पाच कर्मचारी जखमी..

चंद्रपूर :-ब्रम्हपुरी तहसील कार्यालयाचे दोन नायब तहसिलदार व पाच कर्मचारी बोलेरो कारने चंद्रपूर जिल्हाधिकारी कार्यालयात प्रशिक्षणाला जात असतांनाच वाटेतच विरुद्ध दिशेने भरधाव वेगाने येणाऱ्या ट्रक आणि बोलेरो कारची मूल-चंद्रपूर मार्गावरील डोनी फाट्याजवळ काल गुरुवारी सकाळच्या सुमारास समोरासमोर जोरदार धडक झाली.धडक इतकी भीषण होती की,कर्मचाऱ्यांची कार काही अंतरावर जाऊन रस्त्याच्या कडेला पलटी झाली.नशीब बलवत्तर म्हणून जीवितहानी टळली. मात्र,दोन नायब तहसीलदारांसह पाच कर्मचारी किरकोळ जखमी झाले.सर्वांनी कारमधून स्वतःची कशीबशी सुटका केली.अपघातात नायब तहसीलदार विनोद बोडे,नायब तहसीलदार महानंदा मडावी वय ५० वर्षे,रा.ब्रम्हपुरी,सहाय्यक महसूल अधिकारी सरिता बालकृष्ण चन्ने वय ४६ वर्षे,रा.ब्रम्हपुरी,लिपिक प्रिया शेंडे वय ४५ वर्षे,रा.ब्रम्हपुरी,लिपिक दुर्गा गायकवाड वय ४५ वर्षे,रा.सिंदेवाही,आशा दिलीप कोहळे वय ४२ वर्षे,चालक सूरज रामकृष्ण नेहाटे वय ३१ वर्षे,रा.मालडोंगरी अशी जखमी कर्मचाऱ्यांची नावे आहेत.