ट्रक आणि चारचाकी वाहनाची समोरा-समोर धडक…-कोंढाळा बसस्थानक नजिकची आजची घटना…..

उद्रेक न्युज वृत्त

कोंढाळा(देसाईगंज) :- देसाईगंज तालुक्याच्या कोंढाळा येथील बसस्थानक नजिक ट्रक आणि चारचाकी वाहनाची समोरा-समोर धडक होऊन चारचाकी वाहनाचा समोरील भाग चेंदा-मेंदा झाल्याची घटना आज दुपारी १२.३० वाजताच्या सुमारास उघडकीस आली आहे.

गोंदिया वरून चालक आणि सोबती हे दोघेही गडचिरोली ला काही कामानिमित्त जाण्यासाठी निघाले होते.मात्र कोंढाळा गावाजवळील बसस्थानक नजिक आलापल्ली वरून रायपुरला जाण्यासाठी निघालेला ट्रक क्रमांक – एम एच ३४ बी जी ७७२३ यांची समोरा-समोर जोरदार धडक झाल्याने चारचाकी वाहनाचा समोरील भाग चेंदा-मेंदा होऊन चालक व सोबती किरकोळ जखमी झाले.यात कुठलीही जीवितहानी झाली नसल्याचे कळते.सदर घटनेची माहिती देसाईगंज पोलीस ठाण्याचे ठाणेदार किरण रासकर यांना मिळताच; लगेच त्यांनी दखल घेतली व पोलीस प्रशासन घटनास्थळी दाखल होऊन घटनेचा पंचनामा केला.