कोंढाळा येथे ‘योजना आपल्या दारी’… -आमदार कृष्णा गजबे यांच्या वतीने शासकीय योजनांची अंमलबजावणी…

कोंढाळा(देसाईगंज):-राज्याचे उपमुख्यमंत्री तथा गडचिरोली जिल्ह्याचे पालकमंत्री देवेंद्र फडणवीस यांच्या संकल्पनेतून आरमोरी विधानसभा क्षेत्राचे आमदार कृष्णा गजबे यांच्या वतीने देसाईगंज तालुक्याच्या कोंढाळा येथे ‘योजना आपल्या दारी’ उपक्रमाअंतर्गत छत्रपती शिवाजी महाराज चौक ग्रामपंचायत व्यासपीठ येथे विविध योजनेच्या शिबिराचे आयोजन काल,५ सप्टेंबर रोजी करण्यात आले.सदर शिबिराचे उद्घाटन गडचिरोली जिल्हा परिषदेच्या माजी महिला व बालकल्याण सभापती रोषानिताई पारधी यांच्या हस्ते करण्यात आले.

‘योजना आपल्या दारी’ उपक्रमाच्या माध्यमातून सदर शिबिरात मुख्यमंत्री वयोश्री योजना,मुख्यमंत्री माझी लाडकी बहीण योजना,मुख्यमंत्री तीर्थ दर्शन,मुख्यमंत्री युवा कार्य प्रशिक्षण योजना व इतर विविध योजनांची  गावातील नागरिकांना माहिती देत एकूण ३५५ लाभार्थी योजनेचे फॉर्म भरण्यात आले.यामध्ये मुख्यमंत्री वयोश्री योजनेचे ३४१,मुख्यमंत्री लाडकी बहीण योजनेचे २,मुख्यमंत्री तीर्थ दर्शन योजनेचे १०, मुख्यमंत्री युवा कार्य प्रशिक्षण योजनेचे २ इतके लाभार्थी फार्म भरून घेण्यात आले.यावेळी देसाईगंज भाजपा तालुकाध्यक्ष सुनील पारधी,रोशन ठाकरे,बंडू बोरुले,गजानन सेलोटे कोंढाळा ग्रामपंचायतीचे उपसरपंच,गोकुल ठाकरे ग्रामपंचायत सदस्य,प्रतिष्ठित नागरिकपंढरी नखाते,सामाजिक कार्यकर्ते अरुण कुंभलवार,नामदेव पारधी,पुंडलिक बुराडे, बाबुराव राऊत,अरुण दुपारे,जयानंद बुल्ले सह बहुसंख्य ग्रामस्थ उपस्थित होते.