कोंढाळा ग्रामपंचायत तर्फे मोफत नेत्र तपासणी शिबिर संपन्न..

कोंढाळा(गडचिरोली):-मानवी शरीरातील महत्वाच्या अवयवांपैकी अतीमहत्वाचे अवयव ते म्हणजे नेत्र(डोळे). नेत्र सुदृढ तर संपूर्ण जग हे सोनेरी वाटत असते,अन्यथा संपूर्ण जग हे अंधकारमय झाल्यासारखे होत असते. केवळ नेत्र तपासणीसाठी इतर ठिकाणी १५० रुपयांपासून ते ३०० रुपयांपर्यंत रक्कम मोजावी लागते. रोजची रोजी-रोटी करून कमाई करणाऱ्यांना सदरची रक्कम ही न परवडणारी असते.त्याचबरोबर वयोवृध्द वयोमानानुसार बाहेर ठिकाणी जाण्याचे टाळत असतात. सदरची बाब लक्षात घेता कोंढाळा ग्रामपंचायत पदाधिकाऱ्यांच्या वतीने ग्रामस्थांकरीता आज,शनिवार २७ सप्टेंबरला सकाळी ९ वाजे ग्रामपंचायत सभागृहात मोफत नेत्र तपासणी शिबिर आयोजित करण्यात आले होते.शिबिरात गावातील शेकडो नागरिकांनी सहभाग नोंदवून मोफत नेत्र तपासणीचा लाभ घेतला.सकाळी सुरू झालेले शिबिर तब्बल आठ तास चालले.

श्री ऑप्टिकलचे संचालक आकाश रईकवार,बहादुरा चौक,उमरेड रोड,नागपूर यांनी मोफत नेत्र तपासणी शिबिरास मोलाचे योगदान दिले.यापूर्वीही त्यांनी अनेक ठिकाणी आयोजित शिबिरात मोफत नेत्र तपासणी शिबिरे राबविली असल्याचे सांगितले.शिबिरप्रसंगी कोंढाळा ग्रामपंचायतीच्या सरपंचा अपर्णा नितीन राऊत,उपसरपंच गजानन सेलोटे,पोलीस पाटील किरण कुंभलवार,तंटामुक्त समिती अध्यक्ष हरिभाऊ पत्रे, ग्रामपंचायत सदस्य शेषराव नागमोती,सदस्या भूनेश्र्वरी गुरनुले,शिल्पा चौधरी,सामाजिक कार्यकर्ते धनपाल मिसार,जिल्हा परिषद शाळेचे मुख्याध्यापक योगेश ढोरे,अरुण दुपारे,लंकेश बुराडे यांचे सह ग्रामस्थ उपस्थित होते.

संपर्क क्रमांक- ८६२३९७५०२१,८८३०४२२१६१