उद्रेक न्युज वृत्त
कुरखेडा(गडचिरोली) :- भारतरत्न डॉ.बाबासाहेब आंबेडकर यांच्या १३३ व्या जयंती दिनाचे औचित्य साधून काल,१४ एप्रिल रोजी कुरखेडा येथील समस्त बौद्ध समाज मंडळाच्या वतीने शहरात वाजत-गाजत भव्य मिरवणूक काढण्यात आली.यावेळी मिरवणूक जामा मस्जिद समोर पोहचताच बौद्ध समाज बांधवांचे मुस्लिम समुदायाचा वतीने स्वागत करून डॉ.बाबा साहेब आंबेडकर यांच्या जयंती दिनाच्या शूभेच्छा देण्यात आल्या व उपासक,उपासिका यांना शरबतचे वितरण करण्यात आले.
कुरखेडा शहरात सर्वधर्म समभावाची जूनी परंपरा आहे.येथील हिंदू,मुस्लिम, बौद्ध बांधव तसेच इतर नागरीक नेहमीच एकमेकां सोबत सलोख्याची भावना मनात ठेऊन; सर्वांच्या सूख दूखात तसेच सन सभारंभात सहभागी होत असतात.काल,रात्री मस्जिद समोर आयोजित शरबत वितरण कार्यक्रमात मुस्लिम समाज मंडळाचे अध्यक्ष मसूद शेख,आसिफ शेख,साजीद शेख,उस्मान खान,शमीम शेख,शादाब खान,जमील शेख,जिया सय्यद,सोहेल पठान,फाजील शेख,फैजान शेख,बंटी जमील,फ़ीरोज़ ख़ान,जामीन कूरेशी,मूजाहीद शेख,नावेद शेख,जमीर कूरेशी,सादिक शेख,रेहान खान,मीजान शेख, मून्ना शेख, सलमान पठान, तौकीर शेख,मोनू पठान, फ़ीरोज़ शेख व मोठ्या संख्येत मुस्लिम बांधव उपस्थीत होते.
