आज पहाटेची भयावह घटना.! अनियंत्रित कार पुलाला धडकून पेटली.. – ६ पैकी ५ जण जिवंत जळाले तर एका महिलेचे दोन्ही पाय तुटले..

उद्रेक न्युज वृत्त :-उत्तर प्रदेशच्या बुलंदशहर जिल्ह्यात आज,बुधवार १८ जून रोजी पहाटेच्या सुमारास मोठा अपघत घडल्याची घटना उघडकीस आली आहे. अपघातात दोन कुटुंबीयांचा स्विफ्ट कार मध्येच होरपळून मृत्यू झाला,तर एका महिलेचे दोन्ही पाय तुटून ती थोडक्यात बचावली.भरधाव वेगाने जाणारी स्विफ्ट कार अनियंत्रित होऊन पुलाला धडकली आणि रस्त्याच्या कडेला ५ फूट खाली कोसळली.खाली कोसळतच कारने पेट घेतला आणि मोठी आग लागली.मृतांमध्ये पती,पत्नी आणि त्यांचा मुलगा यांचा समावेश आहे.तर अपघातात पत्नीचा भाऊ आणि त्याची पत्नी यांचाही मृत्यू झाला.

कारमध्ये बसलेल्या ६ पैकी ५ जण जिवंत जळून खाक झाले.२६ वर्षीय तन्वीज,त्याची २३ वर्षीय पत्नी निदा, तन्वीजची २४ वर्षीय बहीण मोमिना,३० वर्षीय मेहुणा जुबैर आणि मोमिनाचा २ वर्षाचा मुलगा जैनुल या पाच जणांचा अपघातात मृत्यू झाला.तर कार पुलाला धडकल्याने तन्वीजची बहीण गुलनाज उर्फ भुरो ही कारमधून खाली पडल्याने तिचे दोन्ही पाय तुटले.तिला जवळच्या गुलनाजला झांगीराबाद सीएचसीमध्ये दाखल करण्यात आले आहे.हे कुटूंबीय बुलंदशहर जिल्ह्याच्या बदायूंमधील चमनपुरा (सहस्वान पोलिस स्टेशन)येथील रहिवासी होते.सर्वजण आज पहाटे साडे तीन वाजता स्विफ्ट कार क्रमांक-डीएल ३ सीबीडी ७५६७ ने बदायु मध्ये एका विवाह सोहळ्यात उपस्थिती दर्शवून दिल्लीच्या मालवीय नगर या ठिकाणी जात होते.वाटेतच काळाने झडप घातली आणि सर्वकाही हिरावून घेतले.घटनेने परिसरात शोककळा पसरली आहे.