आज चंद्राच्या उजेडात सायंकाळपासून होणार प्राणी गणना..

गोंदिया :-नवेगावबांध-नागझिरा व्याघ्र प्रकल्पांतर्गत येणाऱ्या कोका,पिटेारी,सर्रा आणि कोहमारा अशा चार प्रमुख ठिकाणी आज, सोमवारी १२ मे रोजी वन्यप्राणी गणना होणार आहे.संबंधित ठिकाणी नैसर्गिक तळे, जलाशय,कृत्रिम पाणवठ्यांवर जवळपास १०० ठिकाणी ट्रॅप कॅमेरे लावण्यात आले आहे.वन विभागाच्या कर्मचाऱ्यांकडून बारकाईने निरीक्षण केले जाणार आहे.ही गणना आज सोमवारी सायंकाळी ६ वाजता सुरू होऊन मंगळवार १३ मे रोजी पहाटे ६ वाजेपर्यंत चालेल.यामध्ये तृणभक्षी व मांसभक्षी प्राण्यांची नोंद घेण्यात येईल.वन्यप्राण्यांना न जाणवता निरीक्षण करता यावे,यासाठी उंच ठिकाणी मचाण तयार करण्यात आले आहे.नवेगावबांध नागझिरा व्याघ्र प्रकल्पातील कोका,पिटेझरी,सर्रा आणि कोहमारा या वाइल्ड लाइफ क्षेत्रात ही गणना होणार आहे.सिंचन प्रकल्पासारख्या जलस्रोतांवरही लक्ष केंद्रित केले जाईल.१३ मे रोजी पहाटे ६ वाजेपर्यंत ही गणना चालणार आहे.यात प्राण्यांची नोंद घेण्यात येईल.या प्रक्रियेत वनपरिक्षेत्र अधिकारी,वनरक्षक, वनपाल,हंगामी मजूर तसेच वन्यजीवप्रेमी सुद्धा सहभागी होणार आहेत.यासाठी १५६ जणांनी वन्यप्राणी गणनेत सहभागी होण्यासाठी शुल्क भरून नोंदणी सुद्धा केली आहे.