आज अवकाळी पावसाचे गडचिरोलीसह चंद्रपूर, गोंदिया जिल्ह्यांना यलो अलर्ट.. – विजांच्या कडकडाटासह वादळी वारे..

उद्रेक न्युज वृत्त :-राज्यातील विदर्भात गारपिटीची शक्यता हवामान खात्याने वर्तवित उर्वरित महाराष्ट्रात अवकाळी पाऊस पडेल,असा अंदाज हवामान खात्याने वर्तवला आहे.विदर्भातील काही जिल्ह्यांत विजांच्या कडकडाटासह गारपिटीची शक्यता आहे.तर मराठवाड्यातील जिल्ह्यांत काही ठिकाणी विजांच्या कडकडाटासह सोसाट्याचा वारा वाहील.

तसेच हलक्या ते मध्यम पावसाची शक्यता आहे. आज,शनिवार २२ मार्चला गडचिरोली,चंद्रपूर, गोंदिया, अमरावती आणि वाशिम जिल्ह्यांना यलो अलर्ट देण्यात आला आहे.तर यवतमाळ,नागपूर, वर्धा,भंडारा जिल्ह्यांना पावसाचा ग्रीन अलर्ट देण्यात आला आहे.पुढील दिवस अवकाळी पावसाचा इशारा आणि गारपिटीची शक्यता असल्यामुळे अवकाळीचा शेत पिकांना मोठा फटका बसण्याची शक्यता आहे.कोकणातील जिल्ह्यांत आज काही ठिकाणी उष्ण आणि दमट परिस्थिती राहील.महाराष्ट्रात पावसासाठी पूरक वातावरण होत असतांनाच केंद्रीय हवामानशास्त्र विभागाने पूर्व मध्य भारत,उत्तर पूर्व भारत आणि अरुणाचल प्रगेशात उद्या २३ मार्च रोजी ढगांच्या गडगडाटासह आणि वादळी वाऱ्यांसह पावसाचा अंदाज वर्तवत २० ते २३ मार्चदरम्यान या भागांमध्ये ऑरेंज अलर्ट जारी केला आहे.पुढील चार ते पाच दिवसांमध्ये उत्तर पश्चिम भारतामध्ये कमाल तापमान ३ ते ५ अंशांनी वाढणार असल्याचा इशारा आयएमडीने(IMD)जारी केला आहे.