अज्ञात वाहनाची दुचाकीला पाठीमागून धडक; चिमुकलीचा मृत्यू..

 चंद्रपूर :-अज्ञात वाहनाने दुचाकीला पाठीमागून धडक दिल्याने अवघ्या सहा वर्षीय चिमुकलीचा उपचारादरम्यान मृत्यू झाला,तर आई-वडील व लहान बहिण जखमी झाल्याची घटना काल रविवारी दुपारच्या सुमारास चंद्रपूर जिल्ह्याच्या गोंडपिपरी तालुक्यातील गोंडपिपरी-वढोली मार्गावर घडली. अपघातात ६ वर्षीय आयुषी विपुल नागपुरे रा.सोमनपल्ली,ता.गोंडपिपरी, जि.चंद्रपूर असे मृत पावलेल्या चिमुकलीचे नाव आहे.

विपुल नागपुरे हे पत्नी,मोठी मुलगी आयुषी व लहान मुलीसह दुचाकीने जात असतांना वढोली मार्गावर येताच त्यांच्या दुचाकीला पाठीमागून अज्ञात वाहनाची जोरदार धडक बसली.धडकेत नागपुरे दाम्पत्य खाली कोसळले. यात आयुषीला गंभीर दुखापत झाली.घटनेची माहिती मिळताच ठाणेदार रमेश हत्तीगोटे यांच्यासह पोलिस पथक घटनास्थळी दाखल झाले.लागलीच आयुषी तिचे आई-वडील व लहान बहिणीला तातडीने गोंडपिपरी ग्रामीण रुग्णालयात दाखल केले,मात्र उपचार सुरू असतांनाच आयुषीचा मृत्यू झाला.अपघातात जखमी झालेल्या पालक व लहान बहिणीची प्रकृती स्थिर असून

पोलिसांनी अपघातग्रस्त दुचाकी ताब्यात घेतली आहे,तर धडक देणाऱ्या अज्ञात वाहनचालकाचा शोध सुरू आहे.