अजब मोलकरणीचा गजब कारनामा; प्रियकरासाठी चोरल्या हिऱ्याच्या अंगठ्या..

नागपूर :-आपला प्रियकर खुश रहावा.त्याला कुठलीही अडचण भासता कामा नये,यासाठी घरकाम करणाऱ्या मोलकरणीने चक्क प्रियकरासाठी दोन हिऱ्याच्या अंगठ्या चोरल्याची घटना आज,बुधवारी २८ मे रोजी उघडकीस आली.सदरची घटना ही नागपूर शहरातील जरीपटका पोलीस स्टेशन अंतर्गत विनायक नगर येथे घडली होती.प्रकरणी आज बुधवारी ३० वर्षीय मोलकरीण मारिया सूर्यराव सुक्का हिला पश्चिम बंगाल येथून ताब्यात घेण्यात आले आहे. तसेच तीच्या प्रियकराला देखील ताब्यात घेण्यात आले आहे.

मारिया हि नागपूरच्या विनायक नगरातील नुपूर अग्रवाल यांच्या घरी मोलकरीण म्हणून काम करायची.१८ मे रोजी नुपूर अग्रवाल या घरी एकट्याच होत्या.त्यावेळी त्यांनी ड्रेसिंग टेबलवर दोन हिऱ्याच्या अंगठ्या काढून ठेवल्या होत्या.मारीया हिने अंगठ्या पहिल्या असता संधीचा फायदा घेत हिऱ्याच्या दोन्ही अंगठ्या चोरून नेल्या.दरम्यान,ड्रेसिंग टेबलवर काढून ठेवलेल्या हिऱ्याच्या अंगठ्या दिसत नाही; असे माहित पडल्यानंतर दुसरीकडे मारिया हिने नुपूर अग्रवाल यांना पन्नास हजार रुपये मागितले होते.यानंतर ती कामावर सुद्धा गेली नाही.मात्र अंगठ्या सापडून येत नसल्याने नुपूर यांना मारीया हिनेच अंगठ्या चोरल्याचा संशय आला.या संदर्भात पोलीस स्टेशन येथे गुन्हा दाखल केला. जरीपटका पोलिसांनी शोध घेतला असता मारिया ही पश्चिम बंगालमध्ये तिच्या मूळ गावी गेल्याची माहिती मिळाली.यानंतर पोलिसांनी पश्चिम बंगालला पथक पाठवत मारियाला अटक केली.त्यावेळी तिला विचारपूस केली असता तिने हिऱ्याच्या अंगठ्या तिचा प्रियकर पवन भास्कर याला दिल्याची कबुली दिली.पवन भास्कर हा मुळचा नाशिकचा असून त्याचे मारियासोबत प्रेम प्रकरण होते.पवन पैसे मागत असल्याने त्या दबावात तिने पैसे देण्यासाठी हिऱ्याच्या अंगठ्या चोरी केल्याची कबुली दिली आहे.