अखेर आज भाजपच्या २२ जिल्हाध्यक्षांची नावे जाहीर.. – चंद्रपूर,गडचिरोलीसह विवध जिल्ह्यातील नावांची घोषणा..

उद्रेक न्युज वृत्त :-भारतीय जनता पक्षाच्या वतीने राज्यातील उर्वरित २२ जिल्हाध्यक्षांच्या निवडीची अधिकृत घोषणा आज,शनिवार ३१ मे रोजी जाहीर करण्यात आली आहेत.तत्पूर्वी भाजपच्या वतीने राज्यातील बऱ्याच जिल्हाध्यक्षांची निवड केली होती.अशातच नव्या निवडीमध्ये कोणाची वर्णी लागणार,याकडे सर्वांच्या नजरा लागलेल्या होत्या. त्यानुसार आज शनिवारी शिगेला पोहचलेली उत्सुकता संपली आहे.राज्यातील शहरी आणि ग्रामीण भागातील मिळून एकूण २२ जिल्हाध्यक्षांच्या नावांची घोषणा करण्यात आली आहे.

चंद्रपूर शहराच्या जिल्हाध्यक्षपदी सुभाष कासमगुट्टवार,चंद्रपूर ग्रामीणच्या जिल्हाध्यक्षपदी हरिश शर्मा,गडचिरोलीच्या जिल्हाध्यक्षपदी रमेश बारसागडे,पालघरच्या जिल्हाध्यक्षपदी भरत राजपूत, वसई-विरारच्या जिल्हाध्यक्षपदी प्रज्ञा पाटील, अहिल्यानगर शहरच्या जिल्हाध्यक्षपदी अनिल मोहिते, नाशिक शहरच्या जिल्हाध्यक्षपदी सुनील केदार, नाशिक दक्षिणच्या अध्यक्षपदी सुनील बच्छाव, नाशिक उत्तरच्या जिल्हाध्यक्षपदी यतीन कदम, पुणे दक्षिणच्या जिल्हाध्यक्षपदी शेखर वडणे, कोल्हापूर शहरच्या जिल्हाध्यक्षपदी विजय जाधव,वर्धा जिल्हाध्यक्षपदी संजय गाते,परभणी ग्रामीणच्या शहराध्यक्षपदी सुरेश भुबंरे,छत्रपती संभाजीनगर शहरच्या जिल्हाध्यक्षपदी किशोर शितोळे, तालुर शहरच्या जिल्हाध्यक्षपदी अजित पाटील कव्हेकर, लातुर ग्रामीणच्या जिल्हाध्यक्षपदी बसवराज पाटील, नांदेड उत्तरच्या जिल्हाध्यक्षपदी किशोर देशमुख, नांदेड दक्षिणच्या जिल्हाध्यक्षपदी संतुकराव हंबर्डे, बीडच्या जिल्हाध्यक्षपदी शंकर देशमुख यांची निवड करण्यात आली आहे.मुंबईतील उत्तर-पश्चिम मुंबईच्या जिल्हाध्यक्षपदी ज्ञानमूर्ती शर्मा,दक्षिण-मध्य मुंबईच्या अध्यक्षपदी निरंजन उभारे तर दक्षिण मुंबईच्या अध्यक्षपदी शलाका साळवी यांची निवड करण्यात आली आहे.