अखेर मुख्याध्यापक यांना चौकशीसाठी बुलावा.. – महात्मा गांधी उच्च विद्यालय आरमोरीचे प्रकरण..

गडचिरोली :-जिल्ह्याच्या आरमोरी शहरातील महात्मा गांधी उच्च विद्यालय आरमोरी येथील मुख्याध्यापक प्रकरण मागील काही कालावधीपासून गाजू लागले आहे.प्रकरणी भाजपाचे गडचिरोली जिल्हा सहसंयोजक पंचायत राज व ग्राम विकास विभाग पदाधिकारी कैलास जे.बगमारे यांनी विविध स्तरावर तक्रारी दाखल केल्याने चौकशीचे धाड सत्र सुरू झाले आहे.बगमारे यांनी दिलेल्या माहितीनुसार, नुकतेच जिल्हा स्तरावर चौकशी सुरू असून परत आज,शनिवार ३१ मे रोजी महात्मा गांधी उच्च विद्यालय आरमोरी येथील मुख्याध्यापक साईनाथ अद्दलवार यांना तक्रार अर्जाचे चौकशीच्या अनुषंगाने म्हणणे मांडण्याकरीता आरमोरी पोलीस ठाण्यात बुलावा करण्यात आला आहे.

साईनाथ अद्दलवार(मुख्याध्यापक महात्मा गांधी उच्च विद्यालय आरमोरी )यांनी सेवा ज्येष्ठता यादी वगळून मुख्याध्यापक पदी नियुक्ती व त्यांनी २ मे २०१२ नंतर केलेली अवैध शिक्षक व शिक्षकेत्तर कर्मचारी यांची भरती तसेच शिक्षक भरती घोटाळा मधून बेकायदेशीर मार्गाने जमा केलेली संपत्ती याची चौकशी करून कारवाई करण्याची मागणी कैलास बगमारे यांनी केली आहे.त्यानुसार आता चौकशीचे धाड सत्र सुरू झाल्याने पुढील कारवाईकडे सर्वांच्या नजरा भिडल्या आहेत.