अकरावीतील विद्यार्थिनीवर लैंगिक अत्याचार; सात महिन्यांची गर्भवती.. – २१ वर्षीय तरुणास बेड्या..

नागपूर :-एकाच परिसरात राहत असलेल्या २१ वर्षीय तरुणाची इयत्ता अकरावीत शिक्षण घेणाऱ्या विद्यार्थिनीशी ओळख झाली.काही दिवसांत ओळखीचे रूपांतर जवळीकतेत झाले.त्यातूनच त्याने तिच्याशी शरीरसंबंध प्रस्तापित केले.शरीरसंबंधामुळे तिला गर्भधारणा झाली व ती सध्या सात महिन्यांची गर्भवती राहिल्याने याबाबत घरच्यांना माहिती झाली.प्रकरणी घरच्यांनी पोलीस ठाणे गाठून तक्रार नोंदवताच पोलिसांनी तरुणावर गुन्हा दाखल करून अटक केल्याची घटना नागपूर जिल्ह्याच्या कोंढाळी पोलिस ठाण्याच्या हद्दीतील मरकसूर येथे घडली.सुभाषकुमार शुभमलाल कनोजिया वय २१ वर्षे,रा.मिर्चाघरी,जि.सोनभद्र,उत्तर प्रदेश असे अटक करण्यात आलेल्या आरोपीचे नाव असून न्यायालयाने त्याला दोन दिवसांची पोलिस कोठडी सुनावली आहे.

पीडित विद्यार्थिनी मूळची रामटेक तालुक्यातील महादुला येथील रहिवासी असून अलीकडे काटोल तालुक्याच्या मरकसूर येथे राहते आणि काटोल तालुक्यातीलच मेटपांजरा येथील शाळेत इयत्ता अकरावीत शिक्षण घेत आहे.सुभाषकुमार हा कामगार म्हणून काम करतो व याच परिसरातील सोनमोह येथे राहतो.मध्यंतरी त्या दोघांची आपसात ओळख झाली.त्यातूनच त्याने तिच्याशी शरीरसंबंध प्रस्तापित केले.त्यामुळे तिला गर्भधारणा झाली आणि प्रकरण पोलिसात पोहोचले.