१ दिवसीय नवजात बालकास रस्त्यावर सोडले.. – बालकाचा ताबा मिळणेकरिता संपर्क साधण्याचे आवाहन…

गडचिरोली :-गडचिरोली तालुक्याच्या खरपुंडी ते आकरटोलीकडे जाणाऱ्या रस्त्याच्या बाजूला दिनांक-

२१ ऑक्टोंबर २०२४ रोजी १ दिवसीय नवजात बालक आढळून आला होता.नागरिकांच्या लक्षात येताच त्यांनी गडचिरोली पोलीस स्टेशनला याबाबत कळविले.त्यानुसार गडचिरोली पोलिस ठाण्याचे ठाणेदार यांनी गडचिरोली पोलीस ठाण्यात तक्रार दाखल करून सदर बालकास बाल कल्याण समिती गडचिरोली यांच्या समक्ष सादर केले.त्यानुसार बाल कल्याण समितीने गडचिरोलीतील लोक कल्याण बहुउद्देशिय शिक्षण संस्था व्दारा संचालीत गडचिरोली पंचवटी वॉर्ड,बजरंग नगर,हनुमान मंदिराच्या पाठीमागे गडचिरोली या विशेष दत्तक संस्थेत दाखल केले.मात्र, २१ ऑक्टोंबर २०२४ पासून अजूनपर्यंत बालकाचे जैविक माता-पिता वा नातेवाईक कोण? याचा अजूनही थांगपत्ता लागलेला नाही.त्यामुळे

 सदर बालकाचे जैविक माता-पिता व नातेवाईक यांनी बालकाचा ताबा मिळणेकरिता बातमी प्रकाशीत झाल्यापासुन १५ दिवसांच्या आत जिल्हा महिला व बालविकास अधिकारी कार्यालय गडचिरोली अंतर्गत जिल्हा बाल संरक्षण अधिकारी कार्यालय बॅरेक क्रमांक-१,खोली क्रमांक-२६,२७ कलेक्टर कॉम्पलेक्स गडचिरोली मोबाईल क्रमांक-९४०३७०४८३४ (9403704834),दुरध्वनी क्रमांक:-०७१३२-२२२६४५(07132-222645)यावर संपर्क साधावा व दिलेल्या मुदतीत वा तारखेस संपर्क साधला नाही तर केंद्रिय दत्तक प्रधिकरण (CARA) नवी दिल्ली यांचे अधिसुचनेनुसार दत्तक प्रक्रिये करिता सदर बालकास बाल कल्याण समिती गडचिरोली यांच्या आदेशान्वये दत्तकाकरिता विधी मुक्त करुन सदर बालकाची दत्तक प्रक्रिया पूर्ण करण्यात येईल,असे आवाहन जिल्हा बाल संरक्षण अधिकारी अविनाश गुरनुले यांनी केले आहे.