१० हजाराची होळ; पाणी न टाकताच घटाघटा पिला दारू.. – २१ वर्षीय तरुणाचा ५ बॉटल दारूत खेल खतम..

उद्रेक न्युज वृत्त :-काहीजण बऱ्याचदा आपले मित्र वा मैत्रिणींसोबत होळ म्हणजेच पैज लावीत असतात. कुणाला प्रपोज करणे,कुणाचा मोबाईल नंबर घेणे, एखाद्याला हसवणे वा इतर नाना तऱ्हेची होळ अनेकजण लावतांना आढळून येतात.मात्र,१० हजाराची होळ एका २१ वर्षीय तरुणास जीवघेणी ठरल्याची घटना कर्नाटकच्या कोलार जिल्ह्यात उघडकीस आली आहे.२१ वर्षीय तरुण व त्याचे काही मित्र यांनी ‘जो कोणी ५ बॉटल दारू पाणी न टाकता पिणार,त्याला १० हजार रुपये दिले जाणार’ अशी पैज लावली.यात कार्तिक नावाच्या २१ वर्षीय तरुणाने होकार देत पुढाकार घेतला.त्यावर कार्तिकचा मित्र असलेल्या व्यंकट रेड्डीने त्याला आव्हान दिले.५ बॉटल दारु पाणी न मिसळता पिऊन दाखव.तुला १० हजार रुपये देतो,अशी पैज रेड्डीने लावली.यानंतर १० हजार रुपये जिंकण्यासाठी कार्तिक पाणी न मिसळता ५ लीटर दारु प्यायला.त्यानंतर त्याची प्रकृती बिघडली. काही वेळातच त्याची प्रकृती गंभीर झाली.त्याला तातडीने कोलारच्या मुलबागलमधील रुग्णालयात दाखल करण्यात आले.पण उपचारादरम्यान त्याचा मृत्यू झाला.कार्तिकचा विवाह वर्षभरापूर्वीच झाला होता.आठ दिवसांपूर्वी त्याच्या पत्नीने एका गोंडस बाळाला जन्म दिला होता.पैज जिंकण्याच्या नादात कार्तिकचा जीव गेला.कार्तिकच्या मृत्यूनंतर व्यंकट रेड्डी आणि सुब्रमणी याच्यासह ६ जणांविरोधात नांगली पोलीस ठाण्यात गुन्हा दाखल करण्यात आला आहे. पोलिसांनी दोन आरोपींना अटक केली.तर अन्य आरोपींचा शोध सुरु आहे.