लागोपाठ राहुल गांधी आणि प्रियंका गांधी यांच्या प्रचार सभा… – उद्याला राहुल गांधी यांची चिमूर येथे सभा तर १७ तारखेला प्रियंका गांधी देसाईगंज शहरात…

गडचिरोली :-गडचिरोली व चंद्रपूर जिल्ह्यातील मतदारसंघासाठी राज्याचे विरोधी पक्षनेते विजय वडेट्टीवार यांनी जोरदार मोर्चेबांधणी सुरू केली आहे. याचाच एक भाग म्हणून चंद्रपूर जिल्ह्यातील क्रांतीभूमी चिमूर येथे उद्या,शनिवार दिनांक-१६ नोव्हेंबरला सेंट क्लारेट शाळेजवळ काँग्रेस नेते खासदार राहुल गांधी तर अतिदुर्गम,आदिवासी बहुल अशा गडचिरोली जिल्ह्यातील देसाईगंज(वडसा)येथे येत्या रविवारी १७ नोव्हेंबर रोजी महाविकास आघाडीचे उमेदवारांच्या प्रचारार्थ काँग्रेस नेत्या प्रियांका गांधी यांची सभा होत आहे.

सभेला महाराष्ट्र प्रदेश काँग्रेसचे महत्त्वाचे नेते,जिल्हा काँग्रेसचे पदाधिकारी व महाविकास आघाडी व सर्व घटक पक्षाचे नेते,चंद्रपूर व गडचिरोली जिल्ह्यातील सर्व उमेदवार,पदाधिकारी प्रामुख्याने उपस्थित राहणार आहेत.जाहीर सभेस जास्तीत जास्त संख्येने नागरिकांनी उपस्थित राहण्याचे आवाहन चंद्रपूर व गडचिरोली जिल्हा काँग्रेस कमिटीच्या वतीने करण्यात आले आहे.प्रियांका गांधी पहिल्यांदाच गडचिरोली जिल्ह्याच्या देसाईगंज शहरात येत आहेत.तर राहुल गांधी हे एकदा चंद्रपूरात आले होते.यानंतर चिमूरात मात्र,ते पहिल्यांदाच येत आहेत.या दोन्ही नेत्यांच्या सभेसाठी जय्यत तयारी करण्यात येत आहे.