राज्यमंत्री ॲड.आशिष जयस्वाल यांच्या अंगरक्षकावर महिलेचा लैंगिक शोषणाचा आरोप; पोलिसांत गुन्हा दाखल..

अजयने पिडीत महिलेला लग्नाचे आश्वासन देत शारीरिक संबंध प्रस्थापित केले.त्याचे दुसऱ्या महिलेशी प्रेमसंबंध जुळताच पिडीत महिलेशी संपर्क तुटला.मात्र,पिडीत महिलेने बोलणे बंद केल्याने त्याने फोटो व व्हिडिओ क्लिप व्हायरल करण्याची धमकी दिली.पीडित महिला ही रामटेक शहरातील रहिवासी आहे.तर प्रकरणातील सहआरोपी महिला ही सुद्धा रामटेक शहरातीलच आहे.सहआरोपी महिलेने पीडितेच्या मुलांचे नुकसान करण्याची धमकी दिल्याचा आरोप आहे.त्यामुळे,अजय सलामे व महिलेवर गुन्हा दाखल करण्यात आला.विशेष म्हणजे,पीडितेला न्याय मिळावा म्हणून अंगरक्षक अजयच्या पत्नीने पीडितेला सोबत घेऊन नागपूर ग्रामीणचे पोलिस अधीक्षक हर्ष पोद्दार यांची भेट घेतली व त्यांना घडलेला संपूर्ण प्रकार सांगितला.त्यानंतर दोघींनी रामटेक येथील उपविभागीय पोलिस अधिकारी रमेश बरकते यांची भेट घेतली व तक्रार दाखल केली. प्रकरणाचा पुढील सखोल तपास सहाय्यक पोलिस निरीक्षक स्वाती यावले व राजकुमार थोरात यांच्याकडून सुरू करण्यात आला आहे.